By Asbarez | Wednesday, 13 September 2017
Արցախի Հանրապետութեան իշխանութիւններուն հետ ձեռք բերուած համաձայնութեամբ՝ ԵԱՀԿի առաքելութիւնը Սեպտեմբեր 12ին, Արցախի եւ Ատրպէյճանի զինուած ուժերու սահմանագիծի ծրագրային դիտարկում իրականացուցած է Հադրութի շրջանի արեւելեան ուղղութեամբ:
Արցախի արտաքին գործոց նախարարութեան տեղեկատուական վարչութենէն կը յայտնեն, թէ Արցախի Հանրապետութեան պաշտպանութեան բանակի դիրքերէն դիտարկումը իրականացուցած են ԵԱՀԿի գործող նախագահի անձնական ներկայացուցիչի (ԳՆԱՆ) դաշտային օգնականներ Կենատի Փեթրիքա (Մոլտովա) եւ Միխայիլ Օլարու (Մոլտովա), ինչպէս նաեւ ԳՆԱՆ գրասենեակի աշխատակից Մարթին Շուսթըր (Գերմանիա):
Սահմանագիծին հակառակ կողմը դիտարկումը իրականացուցած են ԵԱՀԿի գործող նախագահի անձնական ներկայացուցիչ դեսպան Անճէյ Քասփըրչիք, անոր դաշտային օգնական Օկնեն Եովիչ (Պոսնիա եւ Հերցեկովինա) եւ անձնական օգնական Սայմըն Թիլըր (Մեծն Բրիտանիա):
Դիտարկումը անցած է ըստ նախատեսուած ժամանակացոյցի:
Դիտարկման առաքելութիւնը արցախեան կողմէն ուղեկցած են Արցախի Հանրապետութեան արտաքին գործոց նախարարութեան եւ պաշտպանութեան նախարարութեան ներկայացուցիչները:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ