By Asbarez | Friday, 15 September 2017
ԵՐԵՒԱՆ, <<Ռազմ.ինֆօ>> - Ատրպէյճանի պաշտպանութեան նախարարութիւնը հաղորդագրութեամբ մը կը տեղեկացնէ, թէ Հինգշաբթի, Սեպտեմբեր 14ին Ատրպէյճանի պաշտպանութեան նախարար Զաքիր Հասանովի գլխաւորած պատուիրակութիւնը Իսրայէլ կատարած իր այցի ծիրէն ներս այցելած է նաեւ այդ երկրի ռազմարդիւնաբերութեան շարք մը կեդրոններ:
Հասանով հանդիպումներ ունեցած է իսրայէլեան ռազմարդիւնաբերական ընկերութիւններու ղեկավարներու հետ՝ քննարկելով ռազմական արհեստագիտութեան մարզին մէջ համագործակցութեան վերաբերող հարցեր: Զաքիր Հասանով նաեւ ծանօթացած է ընկերութեանց արտադրութիւններուն:
Յիշեցնենք, որ Հասանովի Իսրայէլ այցը սկսած էր Սեպտեմբեր 11ին: Ան խորհրդակցութիւններ ունեցած է Իսրայէլի պաշտպանութեան նախարար Աւիկտոր Լիպերմանի հետ, իսկ Սեպտեմբեր 13ին այցելած է նաեւ Իսրայէլի զինուորական ուժերու հրամանատարութեան եւ ղեկավարման կեդրոնը:
Հասանով առաջին անգամ ըլլալով է որ իբրեւ նախարար կ՛այցելէ Իսրայէլ, եւ յատկանշական է, որ անոր այցելութիւնը կայացաւ՝ Ատրպէյճանէն իսրայէլեան անօդաչու սարքերով Հայաստանի ուղղութեամբ կատարուած յարձակումի լուրին ստեղծած գայթակղութենէն քանի մը շաբաթ ետք միայն։
Իսրայէլի պաշտպանութեան նախարարութիւնը տակաւին կը քննէ իսրայէլացի մասնագէտներու հաւանական մասնակցութիւնը՝ հայկական դիրքերու ուղղութեամբ կատարուած յարձակումին։ Մինչ այդ, իսրայէլեան կողմը սառեցուցած է Ատրպէյճանին նշեալ սարքերը վաճառելու արտօնագիրը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
