By Asbarez | Tuesday, 03 October 2017
ԼԱՍ ՎԵԿԱՍ, <<Սի.Էն.Էն.>> - Հոկտեմբեր 1ի գիշերը, Լաս Վեկասի մէջ տեղի ունեցաւ ահաբեկչական յարձակում մը, որուն ընթացքին սպաննուեցաւ առնուազն 58 հոգի եւ վիրաւորուեցան աւելի քան 500 ուրիշներ։
Արդարեւ, 64ամեայ Սթեֆան Փետաք, <<Mandalay Bay>> պանդոկի 32րդ յարկէն, արագահարուած գնդացիրներով կրակ բացած է <<Route 91>> երաժշտական փառատօնի մասնակիցներուն վրայ՝ գործածելով աւելի քան 10 զէնքեր։
Ոստիկանութիւնը ոճրագործին դիակը գտած է պանդոկի իր սենեակին մէջ։ Կը կարծուի, որ ան անձնասպանութեան դիմած է այս ահաւոր ոճիրէն ետք։ Փետաք Լաս Վեկասէն մօտաւորապէս 80 մղոն հեռու գտնուող Միսքիթ (Նեւատա) քաղաքէն էր։
Բացօթեայ համերգին ներկայ էր մօտաւորապէս 20,000 հոգի։
<<Էֆ.Պի.Այ.>>ի տուեալներով՝ ոճրագործը կապեր չէ ունեցած միջազգային ահաբեկչական կազմակերպութիւններու հետ, մինչ <<Իսլամական պետութեան>> մօտիկ կայք մը պնդած է, թէ յարձակումը կատարուած է՝ <<խալիֆայութեան զինուորներէն մէկուն կողմէ>>։
<<Ասպարէզ>> Հոկտեմբեր 2ին կապ հաստատեց Լաս Վեկասի մօտ Հայաստանի պատուոյ հիւպատոս Ատրուշան Արմէնեանի հետ, որ հաղորդեց, թէ ոստիկանութիւնը ցարդ յարձակումին ընթացքին սպաննուած կամ վիրաւորուած հայերու անուն չէ հրապարակած։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ