By Asbarez | Friday, 13 October 2017
ԱՐՊԻԼ, <<Ռուտաու>> - Իրաքի Քրտական ինքնավար մարզի նախագահ Մասուտ Պարզանի յայտարարեց, որ պատրաստ է Պաղտատի հետ երկխօսութեան՝ պայմանով, որ ատիկա ըլլայ <<բաց եւ առանց նախապայմաններու>>:
Պարզանի Իրաքի մօտ Եւրոմիութեան դեսպան Ռամոն Պլեքուայի հետ հանդիպումին ընթացքին ողջունեց Արպիլի եւ Պաղտատի միջեւ տագնապը լուծելու միջազգային նախաձեռնութիւնները եւ դեսպանին հետ քննարկեց Սեպտեմբեր 25ին քրտական մարզին մէջ տեղի ունեցած անկախութեան հանրաքուէն ու անոր առթիւ հակազդեցութիւնները:
Միւս կողմէ, Իրաքի խորհրդարանի նախագահ Սալիմ Ճապուրի յայտնեց, որ Իրաքի միասնականութիւնը բանակցելի չէ, եւ որ Քրտական մարզին հետ տագնապը պէտք է լուծել՝ հիմնուելով Իրաքի սահմանադրութեան վրայ: Ան նշեց, որ Արպիլ կատարած իր այցելութիւնը կարեւոր էր եւ ցոյց կու տար սահմանադրութեան հիմքով լուծումի մը գոյութիւնը:
Նշենք, որ Իրաքի կեդրոնական իշխանութիւնները կը մերժեն Քրտական մարզին հետ երկխօսութիւն կատարել՝ նախքան անկախութեան հանրաքուէի արդիւնքին ջնջումը: Քրտական կողմը կը մերժէ այդ նախապայմանը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
