By Asbarez | Thursday, 26 October 2017
<<Սասնայ Ծռեր>> կամ <<Սասունցի Դաւիթ>> դիւցազնավէպի պահպանման եւ հանրահռչակման նպատակով, դիւցազնավէպի նիւթով հայկական առաջին ելեկտրոնային յաւելուածը ստեղծուած է: Անիկա իրականացած է Հայաստանի մշակոյթի նախարարութեան աջակցութեամբ եւ <<<<Սասնայ Տուն>> հասարակութեան զարգացման աջակցման կենտրոն>> հասարակական կազմակերպութեան նախաձեռնութեամբ՝ <<Սասնայ Ծռեր>> կամ <<Սասունցի Դաւիթ>> աւանդական հանրապետական փառատօնի ծրագիրի ծիրին մէջ:
Մշակոյթի նախարարութեան հասարակայնութեան հետ կապերու բաժինը կը տեղեկացնէ, թէ յաւելուածը կարելի է ներբեռնել՝ օգտուելով Android բջիջային համակարգի Play market բաժինէն՝ գրելով <<Սասունցի Դաւի>>չ հայերէն կամ անգլերէն:
Յաւելուածի հիմնական բաժիններն են՝ ասմունք, զարգացման խաղեր (հարցումներ դիւցազնավէպին մասին եւ հարցումներ դիւցազնավէպէն), հանելուկ եւ <<Ուիքիփետիա>>ի <<Սասունցի Դաւիթ>>, <<Սասնայ Ծռեր>> շարժապատկերներու եւ Ժան Էլոյեանի ասմունքի յղումները: Դիւցազնավէպէն հարցումներուն ճիշդ պատասխանելու նպատակով, յաւելուածին մէջ գոյութիւն ունի նաեւ ելեկտրոնային գիրք, ուր կը ներկայացուին դիւցազնավէպի պատասխաններուն առնչուող հատուածները:
Իսկ iOS բջիջային համակարգին համար յաւելուածը հասանելի պիտի ըլլայ քանի մը ամիսէն:
Յաւելուածի ստեղծումը կարեւոր է, որպէսզի նոր սերունդը տեղեակ ըլլայ ազգային, աւանդական, հոգեւոր եւ մշակութային արժէքներուն եւ հայրենասիրական ոգիով մեծնայ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ