By Asbarez | Saturday, 28 October 2017
ԵՐԵՒԱՆ - Նախագահ Սերժ Սարգսեան Ուրբաթ, 27 Հոկտեմբերին, իր նստավայրին մէջ ընդունեց Մեքսիքայի խորհրդարանի Մեքսիքա-Հայաստան բարեկամութեան խումբի անդամները՝ խումբի ղեկավար Պլանքա Մարկարիթա Քուաթա Տոմինկեսի գլխաւորութեամբ:
Ողջունելով հիւրերը՝ նախագահը յայտնեց, որ Հայաստան միշտ ուրախ է հիւրընկալելու բարեկամ երկիրներու ներկայացուցիչները: Ան ըսաւ, որ բարեկամ Մեքսիքայի պատգամաւորներուն այցը նոր էջ պիտի բանայ հայ-մեքսիկական միջխորհրդարանական յարաբերութիւններուն եւ պիտի նախանշէ երկու երկիրներուն խորհրդարաններուն միջեւ համագործակցութեան յետագայ ուղիները:
Հանրապետութեան նախագահը ողջունեց մեքսիքացի խորհրդարանականներուն երկօրեայ այցը Արցախ:
Մեքսիքա-Հայաստան բարեկամութեան խումբի ղեկավարը շնորհակալութիւն յայտնեց նախագահին՝ ջերմ ընդունելութեան համար եւ վստահեցուց, որ խումբը իր կարելին պիտի ընէ, որպէսզի համագործակցութիւնը շարունակ ամրապնդուի եւ խորացուի:
Հայաստան եւ Արցախ այցի օրերուն, պատուիրակութիւնը զգացած է հայ ժողովուրդի ջերմ վերաբերումը եւ բարեկամութեան փոխադարձ մեծ ցանկութիւնը:
<<Մենք շատ լաւ դռներ բացած ենք մեր երկու ժողովուրդներուն բարեկամութեան համար: Մեզի համար մեծ պատիւ է Հայաստանի նման արժանապատիւ երկրի մէջ ըլլալը: Երջանիկ էինք նաեւ տեսնելու Արցախը՝ փոքրիկ եւ վեհ երկիր մը, որ արդէն մեր սիրտին մէջ իր կայուն տեղը ունի>>, ըսաւ Մեքսիքա-Հայաստան բարեկամութեան խումբի ղեկավար Պլանքա Մարկարիթա Քուաթա Տոմինկես:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ