By Asbarez | Wednesday, 15 November 2017
Հայաստանի Հանրապետութեան արտաքին գործոց նախարարութիւնը կը տեղեկացնէ, որ 30 Հոկտեմբերէն 14 Նոյեմբեր Փարիզի ԵԻՒՆԵՍՔՕի կեդրոնին մէջ ընթացող կազմակերպութեան Գլխաւոր խորհրդաժողովի շրջագիծին մէջ տեղի ունեցան Մշակութային արժէքներու՝ ծագման երկիր վերադարձը կամ ապօրինի իւրացման պարագային անոնց վերահաստատումը խրախուսելու հարցերով միջկառավարական կոմիտէի ընտրութիւնները:
Կոմիտէն կը հանդիսանայ <<Մշակութային արժէքներու ապօրինի ներածումը, արտածումը եւ անոնց նկատմամբ սեփականութեան իրաւունքի փոխանցումը արգիլելու եւ կանխելու միջոցառումներու մասին>> ԵԻՒՆԵՍՔՕի 1970ի ուխտի միջկառավարական մարմինը:
Երկրորդ շրջանային խումբէն (Արեւելեան Եւրոպայի երկիրներ) ընտրուած է Հայաստանը՝ 4 տարի ժամկէտով: Մայիս 2015ին, Հայաստանը ընտրուած էր նոյն Ուխտի անդամ պետութիւններու հանդիպումին օժանդակ կոմիտէի անդամ՝ 4 տարի ժամկէտով:
Նշենք, որ 22 անդամ-երկիրներէ բաղկացած կոմիտէն հիմնուած է 1978ին՝ կազմակերպութեան Գլխաւոր խորհրդաժողովի 20րդ նստաշրջանի համապատասխան որոշումին հիման վրայ:
Կոմիտէի հիմնական գործառոյթներէն է՝ նպաստել պետութիւններու բազմակողմանի եւ երկկողմանի համագործակցութեան մշակութային արժէքներու՝ ծագման երկիր վերադարձնելու կամ անոնց վերահաստատումը խրախուսելու մասով:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
