By Asbarez | Wednesday, 06 December 2017
ՄՈՍԿՈՒԱ - Ռուսիոյ մօտ Միացեալ Նահանգներու դեսպան Ճան Հանթսմընի կարծիքով՝ Սուրիայէն ամերիկեան զօրքերու հեռացումին մասին կարելի է խօսիլ միայն, երբ Ուաշինկթըն համոզուի, թէ ահաբեկիչներուն դէմ պատերազմը յաջողութեամբ աւարտած է: <<Վետոմոսթի>>ի հետ հարցազրոյցի մը ընթացքին, դեսպանը յայտնած է. <<Դուք կրնաք հեռացնել բոլոր ահաբեկիչները Ռաքքայէն եւ Եփրատ գետի հովիտէն, սակայն անոնք կրնան վերախմբաւորուիլ: Այդ պատճառով ալ վաղաժամ հեռանալու պարագային՝ մեր բոլոր ջանքերը կրնան պարզապէս ջուրը իյնալ>>։
Ամերիկացի դիւանագէտը նշած է նաեւ, որ Միացեալ Նահանգներու նախագահ Տանըլտ Թրամփ պիտի չյստակացնէ ամերիկեան ուժերուն հեռացման թուականը, մինչեւ որ <<աշխատանքը աւարտի>>։
Միւս կողմէ, Իրանի խորհրդարանի նախագահ Ալի Լարիճանի յայտնեց, թէ Սուրիոյ մէջ <<Միացեալ Նահանգներու ներկայութիւնը կը խանգարէ տագնապին լուծումի մը հասնելու ջանքերը>>։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ