By Asbarez | Friday, 12 January 2018
ՄՈՍԿՈՒԱ, <<Ռոյթըրզ>> - Ռուսիոյ պաշտպանութեան նախարարութիւնը Յունուար 11ին ցուցադրեց ռուսական ուժերուն կողմէ զգետնուած անօդաչու թռչող սարքերէն մէկը, որ օգտագործուած էր անցեալ շաբաթ, Սուրիոյ մէջ ռուսական Հմէյմիմ ռազմակայանին եւ Թարթուսի ծովային խարիսխին դէմ կատարուած յարձակումին ընթացքին։
Մոսկուա շաշտեց, թէ յարձակումը սկսած է Իտլիպէն, ուր ապաստանած են Սուրիոյ իշխանութեանց դէմ զինեալ պայքար մղող զինեալ խմբաւորումներ, որոնց մէկ մասը կը վայելէ Թուրքիոյ աջակցութիւնը։ Առանց անուն տալու, Ռուսիոյ պաշտպանութեան նախարարութիւնը յայտնեց, թէ օտար ուժեր մեղսակից են ռուսական դիրքերու դէմ յարձակումին, միաժամանակ նշելով, որ յարձակումի պահուն օդային տարածքին մէջ հերթապահութիւն կը կատարէր ամերիկեան հետախուզական օդանաւ մը:
Ռուսիոյ պաշտպանութեան նախարարութեան հաղորդագրութեան մէջ նշուած է. <<Տարօրինակ զուգադիպութիւն է. ինչո՞ւ Սուրիոյ մէջ ռուսական ռազմական կառոյցներու վրայ ահաբեկիչներու անօդաչու թռչող սարքերու յարձակման պահուն՝ Միջերկրական ծովուն վրայ 4 ժամէն աւելի 7000 մեթր բարձրութեամբ հերթապահութիւն կատարած է Միացեալ Նահանգներու ծովուժին պատկանող օդանաւը>>։
Ռուսիոյ պաշտպանութեան նախարարութիւնը նաեւ մեկնաբանած է Փենթակոնի յայտարարութիւնը՝ բաց շուկայի մէջ հասանելի այնպիսի ճարտարագիտութիւններու մասին, որոնք օգտագործուած են ռուսական ռազմակայանին դէմ յարձակումը կատարելու ընթացքին:
<<Ի՞նչ ճարտարագիտութիւններու մասին է խօսքը. ո՞ւր կը գտնուի տուեալ <<շուկան>> եւ ի՞նչ գաղտնի սպասարկութիւններ կը զբաղին համաշխարհային հետախուզութեան տուեալներու առեւտուրով>>, հարց տուած է Ռուսիոյ պաշտպանութեան նախարարութիւնը:
Նշենք, որ անօդաչու թռչող սարքերը Յունուար 6ի գիշերը Թարթուսի մէջ ռուսական զինուորական կառոյցներու եւ Լաթաքիոյ Հմէյմիմ ռազմակայանին դէմ յարձակում գործած էին: Օրին հաղորդուած էր, որ ռուսական պատերազմական օդանաւեր վնասուած են, սակայն, Ռուսիոյ պաշտպանութեան նախարարութիւնը հերքած է այդ լուրը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ