By Asbarez | Wednesday, 17 January 2018
ՊՈԼԻՍ, ԵՐԵՒԱՆ, <<Մարմարա>>, <<Էրմենիհապեր>> - Թուրքիոյ գլխաւոր ընդդիմադիր՝ քեմալականներու Հանրապետական ժողովրդային կուսակցութեան խմբակցութեան ղեկավար Ճանան Քաֆթանճըօղլու, 2012ին Հայոց Ցեղասպանութիւնը ճանչցող գրառում մը կատարած է <<Թուիթըր>>ի իր էջին վրայ:
Նշենք, որ անցած շաբաթավերջին գումարուեցաւ նշեալ կուսակցութեան համաժողովը, որուն ընթացքին Քաֆթանճըօղլու նոյն կուսակցութեան՝ Պոլսոյ նահանգի պետը նշանակուեցաւ։ Այս նշանակումէն ետք անոր անունը քննադատութիւններու եւ ծանր մեղադրանքներու նշաւակ դարձաւ։
Թրքական <<Էճեհապեր>> լրատուամիջոցը անդրադարձաւ Քաֆթանճըօղլուի կողմէ վերջին տարիներու աղմկայարոյց յայտարարութիւններուն, որոնք տեղ գտած են ընկերային ցանցերու վրայ: Մասնաւորապէս՝ 2012ի Ապրիլ 24ին, ան <<Թուիթըր>>ի վրայ գրած էր. <<Այսօր Հայոց Ցեղասպանութեան օրն է: Մենք այսօր Թաքսիմի մէջ կ՛ոգեկոչենք կոտորուած մեր հայ քաղաքացիներուն յիշատակը։ Թուրք ըլլալու փոխարէն՝ մա՛րդ ըլլալը պատիւ է>>։
Մէկ այլ գրառումի մէջ, ան նշած է. <<(Քրտամէտ) Ժողովուրդներու ժողովրդավարական կուսակցութեան եւ հանրապետականներու դաշինքը քննադատողները մտաւոր յետամնացներ են>>: Ան դէմ արտայայտուած է նաեւ Թուրքիոյ մէջ յայտնի՝ <<Մուսթաֆա Քեմալի զինուորներն ենք>> արտայայտութեան:
Ուրիշներու կողքին, Թուրքիոյ նախագահ Ռեչեփ Թայիփ Էրտողան Յունուար 16ին քննադատեց յատկապէս Հայոց Ցեղասպանութեան մասին Քաֆթանճըօղլուի գրառումը՝ նշելով. <<Քաֆթանճըօղլու Հայոց Ցեղասպանութիւն արտայայտութիւնը կիրառելով՝ կը նսեմացնէ մեր ազգն ու պատմութիւնը>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ