By Asbarez | Friday, 19 January 2018
ՊՈԼԻՍ - Թուրքիոյ վարչապետ Պինալի Եըլտըրըմ յայտարարած է, որ Միացեալ Նահանգներ, համագործակցելով Սուրիոյ մէջ գործող քիւրտ զինեալներու հետ՝ կը հետապնդէ շրջանին մէջ Թուրքիոյ ուժն ու ազդեցութիւնը տկարացնելու նպատակը. այս մասին կը գրէ թրքական <<Հապերթիւրք>> կայքը:
Անդրադառնալով ամերիկեան ղեկավարութեամբ միջազգային դաշինքին կողմէ աւելի քան 30 հազար քիւրտ զինեալներու մասնակցութեամբ Սուրիոյ մէջ սահմանային ապահովութեան ուժերու ստեղծման ծրագիրներուն՝ Եըլտըրըմ շեշտած է, թէ նման ուժ մը ի վիճակի չէ՛ սահմանը պաշտպանելու:
<<ՆԱԹՕի սահմանները այս ահաբեկիչնե՞րը պիտի պաշտպանեն: Մե՛նք պիտի պաշտպանենք մեր սահմանները: Այս օրերուն է, որ կ՛երեւին իրական եւ կեղծ բարեկամները: Մենք մեր դաշնակիցին բացայայտ կոչ կ՛ուղղենք. յստակ դիրքորոշում որդեգրեցէք՝ ձեր դաշնակիցին հե՞տ կը գործակցիք, թէ մեր գլուխը այդքան ցաւցուցած այդ ահաբեկիչներուն: Այս որոշումին կայացումը մեզի համար կենսական նշանակութիւն ունի>>, ըսած է Թուրքիոյ վարչապետը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
