By Asbarez | Friday, 02 February 2018
ԵՐԵՒԱՆ, <<Նիուզ>> - Ատրպէյճանի մէջ արդէն իսկ ջանք կը թափուի պայմաններ առաջ քաշելու համար (այդ ալ՝ ո՛չ յստակ)՝ ԵԱՀԿի գործող նախագահի անձնական ներկայացուցիչ դեսպան Անճէյ Քասփըրչիքի դիտորդներու խումբին թիւը բարձրացնելու առաջարկին գծով։
<<Եթէ խօսքը շփման գիծին վրայ ԵԱՀԿի դիտորդներու թիւը աւելցնելու մասին է, ապա պէտք է քանի մը պայմաններ յարգուին>>, ատրպէյճանական <<Էյ.Փի.Էյ.>> լրատու գործակալութեան յայտնած է Ատրպէյճանի խորհրդարանի նախագահի առաջին տեղակալ եւ Պաշտպանութեան, ապահովութեան ու զեղծարարութեանց հակազդելու հարցերով յանձնախումբի նախագահ Զիյաֆեթ Ասքերով:
Ան նշած է, որ նախ <<շփման գիծի երկայնքով ապրող ատրպէյճանցի խաղաղ բնակիչներու սպանութիւնները դադրեցնելու ջանքերուն վերահսկողութիւնը պէտք է խստացնել>>, միաժամանակ երաշխիքներ պահանջելով ԵԱՀԿ Մինսկի խմբակի համանախագահներէն եւ Հայաստանէն, որ <<Երեւանը չհետապնդէ ներկայ իրավիճակը երկարաձգելու նենգ նպատակը՝ բանակցութիւններէն խուսափելով>>:
Յիշեցնենք, որ Քրաքովի մէջ կայացած Հայաստանի եւ Ատրպէյճանի արտաքին գործոց նախարարներու հանդիպումէն ետք, համանախագահները հանդէս եկած էին յայտարարութեամբ մը, ուր նշուած էր. <<Արտաքին գործոց նախարարները սկզբունքօրէն համաձայնած են համանախագահներու վերամշակած հայեցակարգային փաստաթուղթին, որ կը վերաբերի ԵԱՀԿի նախագահի անձնական ներկայացուցիչի գրասենեակին ընդլայնման>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ