By Asbarez | Wednesday, 14 March 2018
ՄՈՍԿՈՒԱ - Ռուսական <<ՌԻԱ Նովոսթի>> լրատու գործակալութիւնը՝ յղում կատարելով Սուրիոյ բանակէն սպայի մը, հաղորդեց, որ Դամասկոսի կից գտնուող արեւելեան Ղութայի մէջ յայտնաբերուած է ապօրինի զինեալ խմբաւորումի մը պատկանող քիմիական զէնքեր պատրաստելու աշխատանոց մը:
Աշխատանոցը կը գտնուի Աֆթարիս գիւղին մէջ:
Սուրիական պետական լրատու գործակալութիւնը աւելցուց, որ Սուրիոյ բանակը Աֆթարիս գիւղը ամբողջութեամբ առած է իր վերահսկողութեան տակ:
Հաշտութեան ռուսական կեդրոնը տեղեկացուց, որ արեւելեան Ղութայի զինեալները իրարու միջեւ ճակատումի սկսած են, շրջանէն դուրս գալուն շուրջ բանակցութեանց ընթացքին ծագած տարակարծութիւններուն հետեւանքով։
Միւս կողմէ, Սուրիոյ բանակը Հարասթա գտնուող զինեալները առաւ ամբողջական պաշարման տակ:
Ռուսական պատկերասփիւռը երէկ հաղորդեց, որ Սուրիոյ բանակը ապահովեց շարք մը ընտանիքներու արեւելեան Ղութայէն դուրս գալը ազատագրուած Մատիրա գիւղին ճամբով:
Մինչ այդ, Սուրիոյ պետական պատկերասփիւռի կայանը ցուցադրեց ժապաւէն մը, ուր Համուրիա գիւղի բնակիչները Սուրիոյ բանակին կոչ կ՛ուղղեն մուտք գործելու գիւղ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ