By Asbarez | Wednesday, 21 March 2018
Միացեալ Նահանգներ այցելած Արցախի պատուիրակութեան անդամ, ՀՅԴ Արցախի Կեդրոնական կոմիտէի ներկայացուցիչ, Արցախի Ազգային ժողովի <<Դաշնակցութիւն>> խմբակցութեան անդամ Դաւիթ Իշխանեան <<Ապառաժ>> թերթին հետ ունեցած հեռաձայնային հաղորդակցութեան մը ընթացքին պատմական որակած է այս պատուիրակութեան Միացեալ Նահանգներ այցելութիւնը:
Այցելութեան ծիրին մէջ Արցախի Հանրապետութեան նախագահ Բակօ Սահակեանի գլխաւորած պատուիրակութիւնը այցելեց ամերիկեան Քոնկրես եւ Միացեալ Նահանգներու Ազգային շահերու կեդրոն:
<<Այցելութիւնը կարեւոր է այն առումով, որ չճանչցուած երկրի մը պատուիրակութիւն ըլլալով հանդերձ, կրցանք քաղաքական նոր կապերու եւ խորհրդարանական դիւանագիտութեան զարգացման նոր հիմեր դնել>>, նշեց Դ. Իշխանեան:
Քաղաքական հանդիպումներէն բացի, տեղի ունեցան նաեւ շարք մը հանդիպումներ գաղութի ներկայացուցիչներուն հետ:
<<Կարելիութիւն ունեցանք ծանօթանալու տեղւոյն հայկական համայնքի ներուժին եւ անոր կողմէ տարուող քաղաքական աշխատանքներուն>>, դիտել տուաւ Իշխանեան՝ աւելցնելով, որ Միացեալ Նահանգներու հայկական կառոյցները բաւական մեծ կարելիութիւն եւ ներուժ ունին Միացեալ Նահանգներու կողմէ Արցախի Հանրապետութեան ճանաչման հոլովոյթը ամրապնդելու համար:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
