By Asbarez | Saturday, 07 April 2018
ՓԱՐԻԶ - Ֆրանսա կատարած աշխատանքային իր այցելութեան ծիրին մէջ 5 Ապրիլին Արցախի Հանրապետութեան Ազգային ժողովի նախագահ Աշոտ Ղուլեան այցելեց Սարսել:
Խորհրդարանի նախագահը եւ անոր գլխաւորած պատուիրակութիւնը մասնակցեցան ֆրանսացի լուսանկարիչ Իվան Թրաւերի <<Արցախ. երկրի մը ոգին>> խորագիրով ցուցահանդէսի բացումին, որ կազմակերպուած էր <<Ֆրանսայի մէջ Արցախի օրեր>> ծրագիրի շրջագիծին մէջ:
Կազմակերպուեցաւ նաեւ խորհրդարանի ղեկավարին ի պատիւ պաշտօնական ընդունելութիւն մը Սարսելի քաղաքապետարանին մէջ, որուն մասնակցեցան քաղաքապետ Անի Պերոնէ, Ֆրանսայի Ազգային ժողովի պատգամաւոր Ֆրանսուա Փուփոնի, Սարսելի եւ շրջանի բնակավայրերու հայկական կազմակերպութիւններու ներկայացուցիչներ:
Ողջոյնի խօսքով հանդէս եկաւ քաղաքապետը եւ պատգամաւոր Ֆրանսուա Փուփոնի: Անոնք ընդգծեցին, որ Արցախի ժողովուրդէն շատ բան կարելի է սորվիլ. դժուար պայմաններու մէջ վերջիններս կը շարունակեն մաքառիլ՝ ապագայ սերունդին համար ոչինչ խնայելով եւ այդ մէկը արժանի է ընդօրինակման:
Ազգային ժողովի նախագահը շնորհակալութիւն յայտնեց ջերմ ընդունելութեան եւ անկեղծ մաղթանքներուն համար՝ շեշտելով, որ արցախցիներուն համար ազատութեան ֆրանսական ուղին լաւագոյն օրինակներէն մէկն է:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ