By Asbarez | Thursday, 03 May 2018
ԵՐԵՒԱՆ, <<Էրմենիհապեր>> - Յունաստանի արտաքին գործոց նախարար Նիքոս Քաձիաս մասնակցած է յունական <<Փափաչելաս>> պատկերասփիւռի կայանի լրատուական մէկ յայտագիրին, որուն ընթացքին Թուրքիոյ իշխանութիւնները զգուշացուցած է զերծ մնալ սադրանքներէ:
Յոյն նախարարը մասնաւորապէս անդրադարձած է Եգէական ծովուն վրայ Թուրքիոյ կողմէ առնուուղ մտահոգիչ քայլերուն՝ շեշտելով. <<Յունաստանի հետ իր յարաբերութիւններուն մէջ Թուրքիան սկսած է մօտենալու թոյլատրելիի սահմանը խախտելու հանգրուանին: Եթէ մենք սթափ ու հանգիստ դիրքորոշում չցուցաբերէինք, ապա չենք կրնար ըսել, թէ այդ բոլորը ո՛ւր կրնային հասնիլ>>:
Պատասխանելով այն հարցումին, թէ նման լարուած մթնոլորտի մը մէջ Թուրքիա կրնա՞յ արդեօք ռազմական գործողութիւններու սկսիլ Յունաստանի դէմ՝ ան նշած է. <<Նման միջոցառումներու ձեռնարկումը շատ վնասներ պիտի բերէ իրեն հետ: Յունաստանը Աֆրին չէ՛ եւ հոս հարցը ոչ միայն վնաս կրելու, այլեւ պարտութի՛ւն կրելու մէջ կը կայանայ>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ