By Asbarez | Wednesday, 09 May 2018
ԵՐՈՒՍԱՂԷՄ, <<Ռոյթըրզ>> - Իսրայէլի ուժանիւթի նախարար Եովալ Շթայնից Մայիս 7ին սպառնաց Սուրիոյ նախագահ Պաշշար Ասատը սպաննել, եթէ ան շարունակէ Իրանին արտօնել, որ ազատօրէն գործէ Սուրիոյ մէջ: <<Թեհրան սուրիական հողերը Իսրայէլին սպառնալու իբրեւ հարթակ սկսած է օգտագործելու>>, ըսաւ ան՝ սպառնալով սուրիական վարչակարգը քանդել, եթէ իր երկիրը որեւէ վտանգի ենթարկուի:
<<Թել Աւիւը Իրանի հետ պատերազմով չէ հետաքրքրուած, սակայն անոր պիտի չարտօնէ իր սահմաններուն մօտ տեղակայուիլ>>, յայտնեց Շթայնից: <<Իսրայէլ մինչեւ հիմա սուրիական քաղաքացիական պատերազմին չմիջամտեց>>, պնդեց իսրայէլացի նախարարը՝ անտեսելով այն իրականութիւնը, որ իսրայէլեան ուժերը քանի մը առիթներով ռմբակոծած են Սուրիա գտնուող թիրախներ։ <<Սակայն, եթէ Ասատ Իրանին արտօնէ Սուրիան վերածել մեզի դէմ ուղղուած զինուորական ռազմակայանի՝ սուրիական հողերէն յարձակում գործելու համար, ապա պէտք է իմանայ, թէ իր վերջը ի՛նչ պիտի ըլլայ>>, եզրակացուց Շթայնից:
Միւս կողմէ, իր ինքնութիւնը յայտնել չուզած իսրայէլացի նախարար մը ըսաւ. <<Լիբանանեան ընտրութիւններուն արդիւնքները ցոյց կու տան, որ Լիբանան հաւասար է <<Հըզպալլա>>ին>>>>՝ ակնարկելով Իրանի հերտ սերտ կապեր ունեցող լիբանանեան այս քաղաքական կուսակցութեան, որ իր դաշնակից կուսակցութեանց հետ երեսփոխանական մեծագոյն խմբակը կրցաւ գոյացնել Մայիս 6ի ընտրութիւններուն արդիւնքով։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ