By Asbarez | Saturday, 19 May 2018
Հայաստանի Հանրապետութեան տնտեսական զարգացման եւ ներդրումներու նախարար Արծուիկ Մինասեան հանդիպում ունեցաւ Համաշխարհային դրամատան հայաստանեան գրասենեակի ղեկավար Սիլվի Պոսութղոյի գլխաւորած պատուիրակութեան հետ: Հանդիպումի առանցքը կազմեց Համաշխարհային դրամատան եւ Հայաստանի տնտեսական զարգացման եւ ներդրումներու նախարարութեան միջեւ համագործակցութեան ու Հայաստանի կառավարութեան յառաջիկային ներկայացուելիք ծրագիրին առնչուող հարցեր:
Նախարար Մինասեան հանգամանալից կերպով անդրադարձաւ նախարարութեան կողմէ Համաշխարհային դրամատան համագործակցութեամբ իրականացուող աշխատանքներուն եւ քաղաքական նոր իրողութիւններու պայմաններուն մէջ տնտեսութեան իրավիճակին: Խօսելով նոր ձեւաւորուած կառավարութեան ու Ազգային ժողովի արտահերթ ընտրութիւններու անհրաժեշտութեան մասին՝ նախարարը վստահեցուց, որ ջանք ու եռանդ պիտի չխնայուի տնտեսական բարեփոխումները ժամանակին եւ լաւագոյնս իրականացնելու համար:
Նախարարը անդրադարձաւ Հայաստանի մէջ ներդրումային միջավայրի բարելաւման եւ ներդրումներ իրականացնելու նոր կարելիութիւններու ստեղծումին, ուր խաղի կանոնները բոլորին համար նոյնը կ՛ըլլան: Յատկապէս նշուած է արդէն իսկ գոյութիւն ունեցող դրական ազդակներու եւ բազմաթիւ անձերու ու կազմակերպութիւններու Հայաստանի մէջ ներդրումներ իրականացնելու փափաքին մասին:
Արծուիկ Մինասեան մանրամասնօրէն անդրադարձաւ նախարարութեան հետ իրականացող Համաշխարհային դրամատան ծրագիրներու ընթացքին: Միտքեր փոխանակուեցան արտածումի խթանման, պետութիւն-մասնաւոր հատուած գործընկերութեան, տնտեսական մրցակցութեան եւ հակամենաշնորհային քաղաքականութեան, ՓՄՁ զարգացման, ինչպէս նաեւ շարք մը այլ հարցերու շուրջ:
Սիլվի Պոսութղօ, շնորհաւորելով նախարարը նշանակումին առիթով՝ շնորհակալութիւն յայտնեց ծրագիրներու մանրամասն ներկայացումին համար: Համաշխարհային դրամատան պատուիրակութեան անդամները նախարարին ներկայացուցին <<Ապագայի Հայաստանը. միակցում, մրցակցութիւն, բարգաւաճում>> երկրի համակարգուած գնահատումի զեկոյցը, որ ամբողջական տնտեսական վերլուծութիւն է իրենց կողմէ ներկայացուած եւ որպէս ուղեցոյց կրնայ հանդիսանալ Համաշխարհային դրամատան հետ համագործակցութեան գործընթացին:
Հանդիպումին ընթացքին պայմանաւորուածութիւն ձեռք բերուեցաւ Համաշխարահային դրամատան յառաջիկայ ոլորտային փորձագիտական առաքելութիւններու հետ հանդիպումներու համար: Աւարտին կողմերը անգամ մը եւս յայտնեցին միասնական աշխատանքը եւ համագործակցութիւնը ընդլայնելու իրենց պատրաստակամութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ