By Asbarez | Monday, 11 February 2019
ԵՐԵՒԱՆ.- Ֆրանսայի նախագահ Էմանուէլ Մաքրոն 5 Փետրուարին, Ֆրանսայի հայկական կազմակերպութիւնները համակարգող խորհուրդի տարեկան ընթրիքին ընթացքին յայտարարեց, որ որոշած է Ֆրանսայի մէջ Ապրիլ 24ը Հայոց Ցեղասպանութեան յիշատակի օր հռչակել, կը հաղորդէ «Նիուզ»ը՝ վկայակոչելով «Եուրօնիուզ» լրատուական կայքը:
Մաքրոն նշեց, որ Ֆրանսա 1915էն ի վեր Ցեղասպանութիւնը կ՛անուանէ «յանցագործութիւն մարդկութեան ու քաղաքակրթութեան դէմ»՝ աւելցնելով. «Ֆրանսահայերուն պատմութիւնը Ֆրանսայի պատմութիւնն է: Եւ որովհետեւ Հայոց Ցեղասպանութիւնը մեր յուշերուն մաս կը կազմէ, ուրեմն Հայոց Ցեղասպանութեան յիշատակը պէտք է յարգուի նաեւ մեր հանրապետութեան մէջ: Ձեզի հետ միասին ես նոյնպէս, ուժերուս ներածին չափ, պիտի պայքարիմ ուրացման որեւէ դրսեւորման դէմ, որ կ՛անարգէ զոհերուն յիշատակը եւ ողջերուն արժանապատուութիւնը»։ Ան ըսաւ, որ այժմ միայն մէկ պետութեան ղեկավարը՝ Թուրքիոյ նախագահը չի կիսեր այս գծով Ֆրանսայի տեսակէտն ու արժէքները:
Ըստ Մաքրոնի՝ «նախագահ Էրտողան ամբողջ թուրք ժողովուրդը չէ»:
Ֆրանսայի նախագահը նաեւ խոստացաւ շարունակել երկխօսութիւնը՝ պատմական փաստերը լսելի դարձնելու համար։
«Ես յստակ կերպով կ՛ըսեմ, որ Ֆրանսայի Հանրապետութեան նախագահի ամբողջական պատասխանատուութիւնը Թուրքիոյ նախագահին երկխօսութեան հրաւիրել է»:
Ան յայտարարեց նաեւ, որ Էրտողանին նախապէս տեղեակ պահած է իր որոշումին մասին, որովհետեւ «կը փափաքի բաց երկխօսութիւն պահպանել Թուրքիոյ հետ»:
«Մենք տարակարծութիւններ ունինք «Իսլամական պետութեան» դէմ պայքարին, Թուրքիոյ մէջ մարդկային իրաւունքներու եւ քաղաքացիական ազատութիւններու հարցերուն, ինչպէս նաեւ Ցեղասպանութեան հարցին վերաբերեալ», ըսաւ Մաքրոն:
Նշենք, թէ Մաքրոն Ապրիլ 24ը Հայոց Ցեղասպանութեան զոհերու յիշատակի ազգային օր հռչակել խոստացած էր իր նախընտրական քարոզարշաւին ընթացքին:
Վերոնշեալ ընթրիքին ընթացքին Մաքրոն նաեւ յարգանքի տուրք մատուցեց Շարլ Ազնաւուրի յիշատակին:
Յիշեցնենք, որ Ֆրանսա պաշտօնապէս 2001ին ճանչցաւ Հայոց Ցեղասպանութիւնը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ