By Asbarez | Thursday, 11 April 2019
ԵՐԵՒԱՆ, «Էրմենիհապեր.- Անդրադառնալով Իրանի Իսլամական յեղափոխութեան պահակագունդը «ահաբեկչական» կազմակերպութիւն նկատելու Ուաշինկթընի որոշումին, Թուրքիոյ արտաքին գործոց նախարար Մեւլուտ Չաւուշօղլու յայտնեց. «Միացեալ Նահանգները Իրանի դէմ միակողմանի պատժամիջոցներ սահմանելու վերաբերեալ որոշումներ կու տայ եւ ճնշում կը գործադրէ, որ այդ պատժամիջոցները ամբողջ աշխարհը կիրառէ Իրանի դէմ: Մենք յստակօրէն ըսած ենք, որ այդ մօտեցումը ճիշդ չէ: Այժմ Ամերիկա Իրանի կանոնաւոր բանակը կ՛անուանէ ահաբեկչական կազմակերպութիւն: Այս քայլը իսկապէս անհասկնալի է, քանի որ Միացեալ Նահանգները կը համագործակցի Քիւրտիստանի բանուորական կուսակցութեան Սուրիոյ թեւին հետ»:
Յիշեցնենք, որ Թուրքիա «ահաբեկչական» կառոյց կը համարէ քիւրտերու իրաւանց պաշտպանութեան համար պայքարող Քիւրտիստանի բանուորական կուսակցութիւնը, նոյն ժամանակ պնդելով, որ Սուրիոյ քրտական ուժերը, որոնք յաջողութեամբ պսակեցին «Իսլամական պետութիւն» ահաբեկչական կազմակերպութեան դէմ պայքարը, նմանապէս «ահաբեկչական» են։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ