By Asbarez | Wednesday, 17 April 2019
ԵՐԵՒԱՆ, «Էրմենիհապեր».- Արտահանի շրջանէն Թուրքիոյ խորհրդարանի անդամ ընտրուած պատգամաւոր Օզթուրք Եըլմազ Միացեալ Նահանգներու Ներկայացուցիչներու տան եւ Ծերակոյտին ներկայացուած Հայոց Ցեղասպանութեան վերաբերեալ բանաձեւերուն գծով մամլոյ ասուլիս մը տուած է, կը հաղորդէ «Թայմթիւրք» կայքը:
Խորհրդարանին մէջ տեղի ունեցած ասուլիսին ընթացքին, Եըլմազ յայտարարած է, որ Թուրքիոյ կառավարութիւնը պէտք է անյապաղ միջոցներու ձեռնարկէ՝ Ցեղասպանութիւնը ճանչցող բանաձեւերու քննարկումը արգիլելու եւ անոնց վաւերացման ջանքերը ձախողութեան մատնելու ուղղութեամբ:
Թուրք պատգամաւորը նշած է, որ Ֆրանսայի ու Իտալիոյ մէջ Ցեղասպանութեան հարցով տեղի ունեցած զարգացումներէն ետք՝ հաւանականութիւն կայ, որ ամերիկեան Քոնկրեսին մէջ բանաձեւներ վաւերացուին՝ յիշեցնելով. «Այս տարի իրավիճակը լուրջ է եւ տարբեր է նախորդ տարիներէն, քանի որ «Էս. 400»ներու, Սուրիոյ ու Կիւլենի ղեկավարած կազմակերպութեան գծով Ամերիկայի հետ տարբեր ուղղութիւններով կը շարժինք: Քոնկրեսին մէջ Թուրքիոյ վերաբերեալ կը տիրէ բացասական մթնոլորտ»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
