By Asbarez | Friday, 14 February 2020
ԵՐԵՒԱՆ, «Էրմենիհապեր».- Հակադարձելով Սուրիոյ պետական զինուորական ուժերուն դէմ ռազմական յաւելեալ գործողութիւններու դիմելու՝ Թուրքիոյ նախագահ Ռեչեփ Թայիփ Էրտողանի սպառնական յայտարարութիւններուն, Սուրիոյ արտաքին գործոց նախարարութիւնը հրապարակեց յայտարարութիւն մը, որուն մէջ կ՛ըսուի. «Թրքական վարչակազմի պարագլուխին կատարած սին յայտարարութիւնները միայն իրականութենէն կտրուած մարդը կրնայ կատարել»:
Նշենք, որ Էրտողան յայտարարած էր հետեւեալը. «Իտլիպի մէջ սուրիական վարչակարգին յարձակումներուն հետեւանքով արձանագրուած թրքական բանակի կորուստներուն թիւը հասաւ 14 զոհերու եւ 45 վիրաւորներու: (Սուրիոյ) Վարչակարգը, ինչպէս նաեւ անոր հետ գործող ռուսական ուժերը եւ Իրանի աջակցութիւնը վայելող զինեալները Իտլիպի մէջ շարունակ յարձակում կը գործեն քաղաքայիններու վրայ, ջարդեր կը կատարեն ու արիւնահեղութիւն կը պատճառեն, եւ եթէ նոյնիսկ բոլորը իրենց աչքերը փակեն, կռնակ դարձնեն եւ իրենց խիղճը սառեցնեն՝ Թուրքիան դիտողի դիրքի վրայ պիտի չմնայ»՝ աւելցնելով, որ Թուրքիա «ամէնուրեք պիտի հարուածէ Սուրիոյ կառավարական ուժերուն։ Եթէ թրքական արիւն հեղուի, մեր պատասխանը տասնապատիկը պիտի ըլլայ»։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
