By Asbarez | Tuesday, 28 July 2020
ԵՐԵՒԱՆ, «Արմէնփրէս».- Ռուսիոյ նախագահ Վլատիմիր Փութին եւ Թուրքիոյ նախագահ Ռեճեփ Թայիփ Էրտողան ունեցան հեռաձայնային զրոյց մը, որուն ընթացքին քննարկուեցան Անդրկովկասի իրավիճակը` հայ-ատրպէյճանական սահմանային իրադրութեան սրման պարունակին մէջ:
Ըստ «Արմենփրէս»ի՝ այս մասին հաղոռդագրութեան մը միջոցաւ յայտնած են Քրեմլինի մամլոյ ծառայութենէն։
Կը նշուի, որ հեռաձայնային կապը հաստատուեցաւ թրքական կողմին նախաձեռնութեամբ:
Հայ-ատրպէյճանական սահմանային կացութեան անդրադառնալով՝ Վ. Փութին ընդգծեց լարուածութեան սրման տուն տուող որեւէ գործողութեան թոյլ չտալու կարեւորութիւնը:
«Կողմերը տագնապային իրավիճակը բացառապէս խաղաղ միջոցներով լուծելու շահագրգռուածութիւն յայտնեցին: Անոնք պատրաստակամութիւն ցուցաբերեցին համակարգելու ջանքերը՝ շրջանին մէջ իրավիճակի կայունացման նպատակով», կ՛ըսուի հաղորդագրութեան մէջ:
Նախագահները ընգծեցին, որ Լեռնային Ղարաբաղի տագնապի քաղաքական-դիւանագիտական լուծումը՝ հիմնուած միջազգային իրաւունքի սկզբունքներու եւ Հայաստանի ու Ատրպէյճանի ժողովուրդներու շահերուն վրայ, այլընտրանք չունի:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ