By Asbarez | Thursday, 09 September 2021
ԵՐԵՒԱՆ, «Արմէնփրէս».- Մոսկուա «արձանագրած եւ ի գիտութիւն ընդունած է» Հայաստանի եւ Թուրքիոյ միջեւ վերջերս արձանագրուած դրական ազդակները, Հինգշաբթի օր տրուած մամլոյ ասուլիսին ընթացքին յայտնեց Ռուսիոյ արտաքին գործոց նախարարութեան ներկայացուցիչ Մարիա Զախարովա:
«Ռուսիա, ինչպէս գիտէք, միշտ կողմ եղած է հայ-թրքական յարաբերութիւններու կարգաւորման: Ի դէպ, պէտք է յիշեցնել, որ մենք նախապէս անմիջականօրէն մասնակցած ենք համապատասխան միջնորդական ջանքերու: Մենք նպաստեցինք ստորագրութեան 2009ի Զիւրիխի արձանագրութիւններուն, որոնք կ՛ենթադրէին Հայաստանի եւ Թուրքիոյ միջեւ յարաբերութիւններու փուլային բարելաւում՝ առանց նախապայմաններու», նշեց Զախարովա:
Ըստ անոր՝ Ռուսիա ոչ միայն միջնորդի դեր խաղցած է, այլ նաեւ «ձեռնարկած գործօն, արդիւնաւէտ քայլերու, որոնք դրական արդիւնքներ տուած են»:
«Յետագային կողմերը չիրականացուցին զանոնք, բայց այդ արդէն պետութիւններու կամքն էր: Մենք այժմ պատրաստ ենք ամէն կերպ նպաստելու երկու դրացի պետութիւններու մերձեցման՝ փոխադարձ յարգանքի հիման վրայ եւ անոնց շահերը նկատի ունենալով», եզրափակեց Զախարովա:
Արցախի գծով, ան յայտնեց, թէ Մոսկուա կ՛աջակցի ներկայի լիազօրութիւններուն հիման վրայ Արցախի տագնապի կարգաւորման վերաբերեալ ԵԱՀԿի Մինսկի խմբակի համանախագահներուն աշխատանքին աշխուժացման:
«Տարածաշրջանի նոր իրողութիւններու համարժէք դիտարկման պայմաններուն մէջ, կը կարծենք, որ եռեակը (համանախագահներու) կրնան նպաստել Երեւանի եւ Պաքուի միջեւ վստահութեան ամրապնդման, ինչպէս նաեւ մարդասիրական հարցերու լուծման: Այդ մէկը կը ծառայէ քաղաքական հարցերու քննարկման անցնելուն», նշեց Զախարովա:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ