Քաթալոնիոյ Խորհրդարանը Կը Ճանչնայ Հայկական Ցեղասպանութիւնը

ՊԱՐՍԵԼՈՆԱ.- Պարսելոնայի մէջ գործող Հայաստանի հետ բարեկամութեան միութեան անդամներու, Քաթալոնիոյ խորհրդարանի պատգամաւոր Մարիա Ռոսա Ֆորտունիի եւ խորհրդարանին մէջ մեծամասնութիւն կազմող կուսակցութեան իրաւական հարցերու գրասենեակի ղեկավար Հոսէ Սամարտինի նախաձեռնութեամբ, Փետրուար 26ին Սպանիոյ Քաթալոնիա նահանգի խորհրդարանը միաձայնութեամբ հաստատած է բանաձեւ մը՝ Հայոց Ցեղասպանութիւնը ճանչնալու մասին: