By Asbarez | Friday, 25 May 2012
ԵՐԵՒԱՆ, «Փանորամա».– 25 Մայիսին Հայաստանի արտաքին գործոց նախարար Էդուարդ Նալբանդեան ընդունած է Ֆրանսայի Ծերակոյտի անդամներ Ֆիլիփ Մարինին, Սոֆի Ժուասէնը եւ Պերնար Ֆուրնիէն։
Ողջունելով հիւրերը՝ նախարար Նալբանդեան բարձր գնահատած է ֆրանսացի ծերակուտականներու անձնական ներդրումը՝ հայ-ֆրանսական բարեկամական յարաբերութիւններու ամրապնդման եւ խորացման, ինչպէս նաեւ Հայաստանի եւ Ֆրանսայի խորհրդարաններու համագործակցութեան զարգացման աշխատանքին մէջ։
Ան նաեւ ողջունած է ֆրանսացի պատասխանատուներուն Արցախ տուած այցելութիւնը՝ ընդգծելով, որ նմանատիպ այցելութիւններ առիթ կու տան անձամբ տեսնելու եւ անձնապէս տեղեկանալու տեղի ունեցող զարգացումներուն մասին:
Ֆրանսացի ծերակուտականները իրենց կարգին գոհունակութիւն յայտնած են Հայաստան եւ Արցախ իրենց այցելութենէն եւ բաժնեկցած են Ստեփանակերտի մէջ իրենց ունեցած հանդիպումներու տպաւորութիւնները: Անոնք յատկապէս բարձր գնահատած են Արցախի մէջ հաստատուած ժողովրդավարական կարգերը:
Հանդիպումին ընթացքին հանգամանալից կերպով քննարկուած են հայ-ֆրանսական բարեկամական յարաբերութիւններուն առնչուող հարցեր։
Զրուցակիցները միտքեր փոխանակած են Հայաստան-Եւրոպական Միութիւն համագործակցութեան, ինչպէս նաեւ շարք մը տարածաշրջանային եւ միջազգային հարցերու շուրջ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ