By Asbarez | Sunday, 19 July 2009
ՄՈՍԿՈՒԱ.- Շաբաթ օր Մոսկուայի մէջ տեղի ունեցաւ Հայաստանի նախագահ Սերժ Սարգսեանի հանդիպումը Ատրպէյճանի նախագահ Իլհամ Ալիեւի հետ՝ Ռուսիոյ նախագահ Տիմիթրի Մետեվետեւի ներկայութեամբ:
Նախորդ օրուան Սարգսեան-Ալիեւ հանդիպումը Հայաստանի կողմէ գնահատուած էր իբրեւ կառուցողական: Հանդիպումէն ետք հրապարակուած տեղեկագրութիւններուն համաձայն, այս գագաթնաժողովի արդիւնքը եղած է այն, որ երկու նախագահները յանձնարարած են իրենց արտաքին գործերու նախարարներուն, որ աշխատանքներ տանին նախապատրաստելու համար երկու նախագահներու յաջորդ հանդիպումը յառաջիկայ Հոկտեմբերին:
Եռակողմանի հանդիպումէն ետք Ռուսիոյ նախագահ օգնական Սերգէյ Փրիխոտքօ»Նովստի« լրատուական ծառայութեան յայտնած է, որ իր տեսակի մէջ ասիկա չորրորդ հանդիպումն էր, որ ի մի բերած է երեք նախագահները եւ որ նախագահ Մետվետեւ վերասհաստատած է իր պատրաստակամութիւնը իբրեւ ԵԱՀԿի Մինսկի խումբի համանախագահ շարունակելու ճիգ թափել փոխադարձաբար ընդունելու լուծում մը գտնելու ղարաբաղեան հակամարտութեան:
Փրոխոտքօ եռակողմանի այս հանդիպումը գնահատեց կառուցողական: Ըստ Ռուսիոյ նախագահի օգնականին, կողմերը այս հանդիպման ընթացքին խօսած են նախկին հանդիպումներու ընթացքին չքննարկուած հարցերու վերաբերեալ:
Այս երկօրեայ հանդիպումներու արդիւնքները հայկական, ատրպեճանական, ռուսական եւ միջազգային մամուլի աղբիւրներուն համաձայն եղած է այն, որ սախագահներ Սարգսեան եւ Ալիեւ համաձայնած են դարձեալ հանդիպիլ յառաջիկայ Հոկտեմբերին:
Նշենք, որ այս հանդիպումներու ընթացքին խօսք չէ եղած Լեռնային Ղարաբաղի հանրապետութեան բանակցութիւններու գործընթացին մէջ ներգրաւելու մասին:
Նաեւ նշենք, որ Մոսկուայի բանակցութեանց առաջին փուլին, Ուրբաթ օրուան երկկողմանի հանդիպումին մասնակցած Մինսկի խումբի համանախագահներու վկայութեամբ, այս հանդիպումին յառաջդիմութիւն չէ արձանագրուած բանակցութեանց մէջ, բայց նաեւ՝ նահանջ չէ արձանագրուած:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ