By Նիուզ | Monday, 11 October 2010
ՊԱՔՈՒ, «Նիուզ».- Ըստ ատրպեճանական «news.az»ին, Հոկտեմբեր 5ի կանուխ ժամերուն, ինքնասպան եղած է Մանուէլ Սարիբէկեանը, որ ատրպեճանական լրատուամիջոցներու եւ պաշտպանութեան նախարարութեան կողմէ որակուած էր «դիվերսանտ» (խափանարար-Խմբ.)։
Ան իր խուցին մէջ գտնուած է կախուած վիճակի մէջ, իբրեւ պարան օգտագործելով վերնաշապիկն ու սաւանը: Սարիբէկեանի վիզին յայտնաբերուած է կախուելու համար օգտագործուած իրերուն բնորոշ սպի:
Յիշեցնենք, որ Սարիբէկեան ձերբակալուած էր Սեպտեմբեր 11ին, Ատրպէյճանի եւ Հայաստանի Զինուած ուժերու շփման գիծին վրայ: Ատրպեճանական կողմը զայն որակած էր հայ «դիվերսանտ», իսկ ձերբակալումէն քիչ անց «ANS» հեռատեսիլի ալիքը ցուցադրած էր հատուած մը, ուր Մանուէլ Սարիբէկեան կը խոստովանէր, թէ «Ատրպէյճանի տարածքում դիւերսիոն գործունէութիւն իրականացնելու համար պատրաստութիւն է անցել»: Հոլովակը յայտնուած է նաեւ «YouTube»ի վրայ:
Հայաստանի պաշտպանութեան նախարարութեան տուեալներով, Մանուէլ Սարիբէկեան եղած է մոլորուած հովիւ մը, իսկ զայն «իբրեւ հայ «դիվերսանտ» ներկայացնելու փորձերը ատրպեճանական քարոզչամեքենային հերթական պարզունակ քայլն է»:
ՀՀ նախարարութիւնը նշած էր նաեւ, որ տեսահոլովակի փորձաքննութեամբ կ՛երեւի, որ անիկա նկարուած է հոգեբանական եւ մարմնական ճնշումներու յատուկ միջոցներու կիրառումով:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ