By Էյ.Փի.Էյ. | Sunday, 14 November 2010
ՊԱՔՈՒ, «Էյ.Փի.Էյ.».- Ատրպէյճանի խորհրդարանի փոխնախագահ Զիաֆետ Ասքերով յայտարարած է, թէ Լեռնային Ղարաբաղի հակամարտութեան վերաբերեալ բանաձեւը պիտի քննարկուի ՆԱԹՕի խորհրդարանական վեհաժողովի գարնանային նստաշրջանի ընթացքին:
Ըստ անոր, բանաձեւը, որուն քննարկումը նախատեսուած էր աշնանային նստաշրջանին, յետաձգուած է Ատրպէյճանի խորհրդարանական ընտրութիւններուն պատճառով։
«Մենք նամակով դիմած ենք ՆԱԹՕի խորհրդարանական վեհաժողովի ղեկավարին եւ նշած, թէ ատրպեճանական պատուիրակութիւնը չի կրնար մասնակցիլ նիստին, խորհրդարանական ընտրութիւններու պատճառով, խնդրելով բանաձեւին քննարկումը յետաձգել յաջորդ նստաշրջան։ Ստացած ենք դրական պատասխան», ըսած է Ասքերով։
Կը նախատեսուէր, որ Լեռնային Ղարաբաղի հակամարտութեան վերաբերեալ բանաձեւը քննուի Լեհաստանի մայրաքաղաք Վարշաւիոյ մէջ, Նոյեմբեը 12-16ին կայանալիք վեհաժողովին ընթացքին։
ՆԱԹՕի խորհրդարանական վեհաժողովին մէջ հայկական պատուիրակութեան ղեկավար Կարէն Աւագեան արդէն յայտնած էր, թէ բանաձեւը չքննարկելու խնդրանքով ՆԱԹՕի խորհրդարանական վեհաժողովին դիմած էր նաեւ Հայաստանի խորհրդարանի նախագահ Յովիկ Աբրահամեանը։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ