By Asbarez | Wednesday, 07 November 2012
ԵՐԵՒԱՆ, «Արմինիա Նաու».- Հայաստանի ֆութպոլի ազգային հաւաքականը ՖԻՖԱի ընթացիկ վարկանշային ցանկին վրայ 18 կէտով նահանջած է եւ ներկայիս կը գտնուի 82րդ դիրքին վրայ, գրած է Ֆութպոլի միջազգային ֆետերասիոնի կայքէջը: Այս նահանջը աշխարհի ախոյեանութեան ընտրական հանգրուանի հանդիպումներու ծիրին մէջ Իտալիոյ հաւաքականէն Երեւանի կրած 3:1 պարտութեան հետեւանք է։ Յիշեցնենք, որ, ըստ ազգային հաւաքականներու վարկանշային նախորդ աղիւսակին, Հայաստանի ընտրանին կը գտնուէր 64րդ դիրքին վրայ՝ դարձեալ 11 կէտով նահանջելով:
2014 թուականին աշխարհի ախոյեանութեան ընտրական հանգրուանին Հայաստանի հաւաքականին մրցակիցներէն Իտալիան կը գրաւէ 5րդ դիրքը, Դանիան՝ 22րդ, Չեխիան՝ 25րդ, Պուլկարիան՝ 40րդ, իսկ Մալթան՝ 150րդ։
Վարկանշային ցանկը նախապէս կը գլխաւորէր Սպանիոյ հաւաքականը, երկրորդ դիրքի վրայ կը մնայ Գերմանիոյ հաւաքականը, իսկ երրորդը Արժանթինի ազգային ընտրանին է:
Վարդան Մինասեանի սաները պիտի կարենան բարելաւել ամիսը անգամ մը հրապարակուող դասակարգման աղիւսակին մէջ իրենց դիրքը, եթէ յառաջիկայ Չորեքշաբթի Երեւանի մէջ Լիթվայի դէմ կայանալիք խաղին յաղթանակ ապահովեն։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ