By Asbarez | Monday, 17 December 2012
ԵՐԵՒԱՆ, «Նիուզ».- Ժամանակաւոր կացարաններու մէջ ապրող, ընկերային ծանր պայմաններ դիմագրաւող, պետութեան կողմէ բնակարանային փոխհատուցումէ զուրկ, անօթեւան ընտանիքներուն խնդիրներուն առաւել մօտէն ծանօթանալու, ինչպէս նաեւ անոնց անհրաժեշտ աջակցութիւն ցուցաբերելու նպատակով Գիւմրիի նորընտիր քաղաքապետ Սամուէլ Բալասանեանը 13 Դեկտեմբերին անակնկալ այցելութիւններ տուաւ «Շիրակ կենտրոնի» տեսանիւթերուն մէջ ներկայացուած կարգ մը ընտանիքներու:
Գիւմրիի համայնքապետը քաղաքի ծայրամասի աւաններէն մէկուն ժամանակաւոր կացարաններէն մէկուն մէջ վարձքով ապրող եւ 12 մանկահասակ երեխաներ ունեցող ընտանիքին նուիրեց ամերիկաբնակ հայրենակիցներու կողմէ հանգանակուած գումարով Մուշ-2 նորակառոյց թաղամասին մէջ գնուած բնակարանը: Նշենք, որ այդ ընտանիքի մասին «Շիրակ կենտրոնի» եւ «Հետք»ի լրագրող Երանուհի Սողոյեան 3 ամիս առաջ պատրաստուած էր «Գիւմրիում 11 անչափահասներից բաղկացած անօթեւան ընտանիքը ապրում է վարձով բնակարանում» տեսանիւթը, որ հրապարակուած էր հայաստանեան յառաջատար շարք մը ելեկտրոնային պարբերականներուն մէջ:
«Շիրակ կենտրոնի» վերջին տեսանիւթին մէջ ներկայացուած են դրուագներ 14 անձերէ բաղկացած բազմանդամ անօթեւան ընտանիքին Գիւմրիի քաղաքապետ Սամուէլ Բալասանեանի տուած անակնկալ այցելութենէն, որուն ընթացքին ընտանիքին նուիրուեցաւ նշեալ բնակարանը:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ