By Asbarez | Wednesday, 20 February 2013
ՀՅԴ Հայաստանի Գերագոյն մարմինը ներկայացուցած է անցնող նախագահական ընտրութիւններուն վերաբերեալ իր գնահատականը.
ՀՅԴ յայտարարութեան մէջ ըսուած է.
«Հայաստանի քաղաքացիները Փետրուար 18-ին ապացուցեցին, որ իրենց համբերութիւնը սահման ունի, որ իրենք արժանի են շատ աւելի լաւ կեանքի եւ իշխանութեան, որ անհնար է մարդոց մէջ մեռցնել արդարութեան, ազատութեան ձգտումը: Ժողովուրդին ընդվզումը երկրին մէջ առկայ քաղաքական, հասարակական, տնտեսական իրական վիճակին եւ բարոյական մթնոլորտին պատասխանն էր: Պատասխանն էր իշխանութեան եւ անոր` վերէն մինչեւ վար ներկայացուցիչներու ինքնագոհ այն պահուածքին, թէ իրենք ունին հասարակութեան բացարձակ մեծամասնութեան վստահութիւնն ու աջակցութիւնը: Ակնյայտ դարձաւ, որ ժողովուրդի գերակշիռ մասը չընդունիր գործող համակարգը:
Խորհրդարանական ընտրութիւններուն իշխանութեան կիրառած վարչական-նիւթական անսահմանափակ միջոցին այս անգամ շատ տեղամասերու մէջ գումարուեցան նաեւ համակարգուած խախտումները ձայներու հաշուարկման ժամանակ: Խոստացուած ամենալաւ ընտրութիւնները հերթական անգամ շատ վատն էին:
Արդիւնքներուն ամփոփումը ապացուցեց մեր այն համոզումը, որ ընտրութիւնները կանխորոշուած են, միջազգային դիտորդներու գնահատականը` կանխատեսելի:
Ստեղծուած յետընտրական իրավիճակը, հնարաւոր զարգացումները կը պարտադրեն հսկայական պատասխանատւութիւն եւ դժուար որոշումներ: Ե’ւ գործող իշխանութեան, ե’ւ հիմնական մրցակից թեկնածուին, ե’ւ ընդդիմադիր ուժերուն, ե’ւ հասարակութեան աշխոյժ հատուածին:
Փետրուար 18-ին մեր ժողովուրդին դրսեւորած կամքը պէտք չէ ոտնահարուի»: ասուած է ՀՅԴ յայտարարութեան մէջ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ