By Asbarez | Wednesday, 27 February 2013
ԵՐԵՒԱՆ, «Թերթ».– 26 Փետրուարին Լիթուանիոյ խորհրդարանին մէջ Լեռնային Ղարաբաղի Հանրապետութեան արտաքին գործոց նախարար Կարէն Միրզոյեան հանդիպում ունեցած է ԼիթուանիաԱրցախ բարեկամութեան պատգամաւորական նորաստեղծ խումբի անդամներուն հետ:
Լեռնային Ղարաբաղի արտաքին գործոց նախարարութեան մամլոյ ծառայութեան հրապարակած հաղորդագրութեան համաձայն, հանդիպումին ներկայ եղած են նաեւ լիթուացի այլ խորհրդարանականներ, Լիթուանիոյ մէջ Հայաստանի դեսպան Արա Այվազեանը եւ Հայաստանի Ազգային ժողովի պատգամաւոր Վահան Յովհաննիսեանը:
Նախարարը ողջունած է բարեկամութեան խումբ ստեղծելու նախաձեռնութիւնը՝ զայն բնութագրելով որպէս ժողովրդավարութեան սկզբունքներու հիման վրայ անկախ պետականութեան կերտման ուղիին վրայ Լեռնային Ղարաբաղի ժողովուրդին արձանագրած ձեռքբերումներու անաչառ գնահատական:
Կարէն Միրզոյեան համոզում յայտնած է այն մասին, որ այս մէկը օրինակելի նախադէպ պիտի ըլլայ այլ երկիրներու մէջ եւս Արցախի ժողովուրդին կամքի արտայայտութեան սատարելու համար՝ անդառնալի դարձնելով Լեռնային Ղարաբաղի Հանրապետութեան միջազգային ճանաչման գործընթացը:
Հանդիպման ընթացքին երկու կողմերը կարեւոր նկատած են խորհրդարանական բարեկամութեան խումբ ստեղծելու նախաձեռնութիւնը, եւ համաձայնութիւն կայացած է գործնական բնոյթ տալու այս քայլին:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ