By Թերթ | Tuesday, 01 March 2011
ՓԵԹԵՐՍՊՈՒՐԿ, «Թերթ».- Փետրուար 25ի երեկոյեան աւարտեցաւ Ռուսիոյ եւ Հայաստանի նախագահներ Տմիթրի Մետվետեւի եւ նախագահ Սերժ Սարգսեանի հանդիպումը:
Հայաստանի նախագահի մամլոյ խօսնակ Արմէն Արզումանեան տեղեկացուց, թէ հայկական կողմը գոհ է երկու նախագահներուն բանակցութիւններէն: «Մենք բաւարարուած ենք հանդիպման արդիւնքներով: Նախագահ Սարգսեանի փեթերսպուրկեան բանակցութիւնների ընթացքում ձեռք է բերուել պայմանաւորուածութիւն՝ Հայաստան մատակարարուող կազի սակագնի վերաբերեալ: 2011ի ընթացքում Հայաստանի սպառողների համար կազի գինը չի աճի: Աւելին, սոցիալապէս անապահով խաւի համար, կազի սակագինը կը նուազի: ՀՀ նախագահը յանձնարարել է մշակել համապատասխան մեխանիզմներ», ըսաւ Արզումանեան:
Նշենք, որ Հայաստանի նախագահ Սերժ Սարգսեան Փետրուար 25ին, աշխատանքային այցով մեկնած էր Ս. Փեթերսպուրկ, ուր կայացած էր անոր հանդիպումը Ռուսիոյ նախագահ Տմիթրի Մետվետեւի հետ:
Հանդիպման առնչութեամբ Քրեմլինի մամլոյ ծառայութեան տարածած հաղորդա-գրութեան համաձայն, Տ. Մետվետեւ ու Ս. Սարգսեան քննարկած են ռուս-հայկական համագործակցութեան հետ կապուած հարցեր եւ միջազգային հրատապ խնդիրներ:
Նախագահներու հանդիպման օրակարգի հիմնական հարցերէն մէկը եղած է նաեւ առեւտրա-տնտեսական համագործակցութիւնը, մանաւանդ՝ հիւլէակայանի ուժանիւթի բնագաւառին մէջ: Իսկ քաղաքական օրակարգի հարցերէն եղած է համագործակցութիւնը ԱՊՀի ու ՀԱՊԿի, ինչպէս նաեւ՝ Ղարաբաղի հարցը:
Մարտ 5ին, Սոչիի մէջ նախատեսուած է Ռուսիոյ, Հայաստանի եւ Ատրպէյճանի նախագահներու հերթական եռակողմ հանդիպումը՝ Ղարաբաղի հարցով:
Նշենք, որ նախագահներուն հանդիպումը եղած է դռնփակ:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին