By Asbarez | Tuesday, 05 April 2011
ԵՐԵՒԱՆ.- Մարտ 31ին, Երեւանի մէջ Զուիցերիոյ նախագահ Միշելին Քալմի Ռէյի հետ ունեցած մամլոյ ասուլիսին ընթացքին, նախագահ Սերժ Սարգսեան, հարցումի մը պատասխանելով՝ յայտնած է, որ հայերը միշտ կը սպասեն այն օրուան, երբ ԱՄՆի նախագահը պիտի արտասանէ «ցեղասպանութիւն» բառը:
«Մենք միշտ ցանկացել ենք, որ ԱՄՆ նախագահը յստակ գնահատական տայ կատարուածին: Ես ժամանակին անձամբ եմ խնդրել ԱՄՆ նախագահին անել դա, բայց ցանկութիւնն ու իրականութիւնը տարբեր բաներ են, եւ աւելի լաւ է, երբ ցանկութիւնները համընկնում են իրականութեան հետ», նշած է նախագահ Սարգսեան:
Հայաստանի նախագահը ցանկութիւն յայտնած է, որ այս անգամ հայ ժողովուրդին իղձը իրականանայ, բայց եթէ նոյնիսկ չկատարուի այդ իղձը, նախագահը յորդորած է չհիասթափուիլ եւ շարունակել ջանքերը՝ ի խնդիր Ցեղասպանութեան ճանաչման:
Մամլոյ ասուլիսին ընթացքին, իր ելոյթին մէջ նախագահը անձամբ շնորհակալութիւն յայտնած է Զուիցերիոյ ազգային խորհուրդին, որ իբրեւ այդ երկրի «մարդասիրութեան իմաստուն աւանդոյթներ»ու շարունակութիւն՝ 2003ին Հայոց Ցեղասպանութեան ճանաչման եւ դատապարտման բանաձեւ մը ընդունած էր:
Նախագահ Սարգսեան իր ելոյթին մէջ նաեւ անդրադարձած է հայ-թրքական յարաբերութիւններուն: Ան ափսոսանքով նշած է, որ «Թուրքիան խուսափում է իր ստանձնած պարտաւորութիւնների կատարումից եւ նման գործելաոճով արժեզրկում է թէ՛ մեր նախաձեռնութիւնը, եւ թէ գործընթացում ներգրաւուած կողմերի ջանքերը»:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ