By Asbarez | Thursday, 16 January 2014
ԵՐԵՒԱՆ, «Արմէնփրէս».– Թոքիոյի մէջ Հայաստանի եւ Ճափոնի արտաքին գործոց նախարարութիւններուն միջեւ 15 Յունուարին տեղի ունեցած է քաղաքական խորհրդակցութիւն մը: Հայկական կողմը կը ներկայացնէր Հայաստանի արտաքին գործոց նախարարի տեղակալ Սերգէյ Մանասարեանը, ճափոնականը՝ Ճափոնի արտաքին գործոց նախարարութեան Կովկասի հարցերով յատուկ ներկայացուցիչ, Ճափոնի արտաքին գործոց նախարարութեան Եւրոպայի հարցերու բիւրոյի գլխաւոր տնօրէնի տեղակալ, դեսպան Նորիօ Մարույաման:
Կողմերը քննարկած են երկկողմանի յարաբերութիւններու օրակարգին վրայ ընդգրկուած շարք մը հարցեր, մասնաւորապէս՝ քաղաքական երկխօսութեան աշխուժացումը, առեւտրատնտեսական յարաբերութիւններուն մէջ առաջընթաց արձանագրելու համար անհրաժեշտ նախադրեալներու ստեղծումը, միջազգային կազմակերպութիւններու մէջ փոխգործակցութիւնը, իրաւապայմանագրային դաշտի ընդլայնումը, մշակութային եւ կրթական ոլորտներու մէջ համագործակցութեան խորացումը:
Երկուստեք կարեւոր նկատած են Հայաստանի մէջ Ճափոնի դեսպանութիւն հաստատելու ճափոնական կառավարութեան որոշումը, որ Ճափոնի խորհրդարանին կողմէ հաստատուած է նախորդ տարուան 24 Դեկտեմբերին:
Որպէս քաղաքական երկխօսութեան նպաստող գործօն՝ լուսարձակի տակ առնուած է նաեւ յառաջիկային ուժի մէջ մտնող համաձայնագիրը «Դիւանագիտական անձնագրերով առանց մուտքի արտօնագրի միմեանց տարածքներ այցելելու մասին»:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
