By Asbarez | Monday, 14 April 2014
ՍՏԵՓԱՆԱԿԵՐՏ.– 2014 թուականի Ապրիլ 11ին Լեռնային Ղարաբաղի Հանրապետութեան Քաշաթաղ շրջանի Կովսական քաղաքին մէջ տեղի ունեցած է բազմաբնակարան շէնքի բնակարանամուտի հանդիսաւոր արարողութիւն, որուն ընթացքին բնակարաններ ստացած են տասը սուրիահայ ընտանիքներ, որոնք վերջին քանի մը տարիներուն տեղափոխուած եւ վերաբնակած են Կովսականի մէջ:
«Օգնիր եղբօրդ» բարեսիրական հիմնադրամը եւս իր ներդրումը ունեցած է բազմաբնակարան շէնքի կառուցման գործին՝ այդպիսով նպաստելով ազատ եւ անկախ Արցախի վերաբնակեցման քաղաքականութեան եւ զարգացման:
«Օգնիր եղբօրդ» հիմնադրամի պատուիրակութիւնը՝ ներկայ գտնուելով բնակարանամուտի արարողութեան, հանդիպում ունեցած է նաեւ Կովսականի մէջ վերաբնակեցուած սուրիահայ ընտանքիներուն հետ՝ ծանօթանալով անոնց խնդիրներուն։ Հիմնադրամի պատուիրակութիւնը հանդիպումներ ունեցած է նաեւ Քաշաթաղի շրջանի աշխատակազմին հետ, իսկ «Քաշաթաղ» հիմնադրամին հետ ձեռք բերած է շարք մը համաձայնութիւններ՝ հետագայ ծրագիրներու իրագործման նպատակով։
«Օգնիր եղբօրդ» բարեսիրական հիմնադրամը շնորհաւորած է Արցախի մէջ իրենց տունը կառուցած սուրիահայ ընտանքիները եւ մաղթած է բարեբեր եւ արդիւնաւէտ աշխատանք՝ հետագայ գործունէութեան մէջ:
Այս առնչութեամբ հրապարակուած յայտարարութեան մէջ հիմնադրամը գրած է. «Օգնիր եղբօրդ» բարեգործական հիմնադրամը վերահաստատում է իր յանձնառութիւնը աջակցելու հայրենիք տեղափոխուած սիրիրահայութեանը եւ եւս մէկ անգամ յայտարարում, որ տուեալ ծրագրի շրջանակներում կատարուող աշխատանքները շարունակական են եւ սիրիահայութիւնը դեռեւս կարող է ցանակագրուել Կովսականում վերաբնակեցուելու նպատակով»:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին