By Asbarez | Wednesday, 16 April 2014
ԵՐԵՒԱՆ, «Փանորամա».– Հայաստանի արտաքին գործոց նախարար Էդուարդ Նալբանդեան 16 Ապրիլին ընդունած է ԵԱՀԿի գործող նախագահի Հարաւային Կովկասի հարցերով յատուկ ներկայացուցիչ Անճելօ Կնետինկըրը։ Անոնք անդրադարձած են Զուիցերիոյ նախագահ, ԵԱՀԿի գործող նախագահ Տիտյէ Պուրկհալտըրի Հայաստան կատարելիք այցելութեան նախապատրաստական աշխատանքներուն:
Զրուցակիցները գոհունակութիւն յայտնած են այն մասին, որ ԵԱՀԿի Զուիցերիոյ նախագահութեան ծիրին մէջ արձանագրուած է հայ-զուիցերական քաղաքական երկխօսութեան բարձր մակարդակ, համակողմանի փոխգործակցութեան զարգացում: Նաեւ միտքեր փոխանակուած են ԵԱՀԿի օրակարգային խնդիրներուն եւ զուիցերական նախագահութեան նախաձեռնութիւններուն շուրջ:
Նախարար Նալբանդեան ներկայացուցած է ղարաբաղեան հիմնախնդիրի խաղաղ կարգաւորման ուղղութեամբ Հայաստանի եւ ԵԱՀԿ Մինսկի խումբի համանախագահներուն կողմէ գործադրուող ջանքերը: Այս ծիրին մէջ Անճելօ Կնետինկըր վերահաստատած է ԵԱՀԿի զուիցերիական նախագահութեան լիակատար աջակցութիւնը՝ Մինսկի խումբի համանախագահութեան գործունէութեան:
Հանդիպման ընթացքին նաեւ միտքեր փոխանակուած են տարածաշրջանային եւ միջազգային խնդիրներու, յատկապէս ուքրանական ճգնաժամի կարգաւորման ուղղութեամբ ձեռնարկուող ջանքերուն շուրջ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ