By Asbarez | Thursday, 17 April 2014
ԵՐԵՒԱՆ, «Հետք».- Հայաստանէն ոսկիի արտածումը բաւական լաւ արդիւնք տուած է 2009ին՝ գերազանցելով տարեկան 1.5 թոն ծաւալը: Մինչ այդ ոսկիի արտածման ծաւալները կը հաշուըւէին քիլոկրամներով: 2011 թուականէն սկսեալ Հայաստանը կայուն կերպով կ՛արտածէ 2.5 թոնը գերազանցող ծաւալներ: 2013ին Հայաստանէն արտածուած է մրցանշային՝ 2.7 թոն ոսկի՝ 73.5 միլիոն տոլար արժէքով (քիլոկրամը՝ 27.2 հազար տոլար):
Ըստ մաքսային վիճակագրութեան՝ Հայաստան կ՛արտածէ ոսկիի փոշի: Խորքին մէջ ատիկա «Տորէ» համաձուլուածքն է, որուն մէջ ոսկիի պարունակութիւնը առնուազն 70 տոկոս է, մնացածը արծաթ է: Հիմնական արտածող ընկերութիւնը Սոթքի ոսկիի հանքավայրը եւ Արարատի ոսկիի գործարանը շահագործող «Գէոպրոմայնինգ գոլդ» ընկերութիւնն է: Այս ընկերութեան բաժին կ՛իյնայ արտածուող ոսկիին 99 տոկոսէն աւելին: Ոսկին կ՛արտածուի Քանատա, ուր կը վերամշակուի անգլիական «Johnson Matthey» նշանաւոր ընկերութեան գործարանին մէջ, այնուհետեւ վերստին կը վաճառուի Լոնտոնի սակարանին մէջ: «Գէոպրոմայնինգ գոլդ» ընկերութեան 100 տոկոս բաժնետէրը օֆշորային Կայմարեան կղզիներուն մէջ արձանագրուած «ՖԸՐՍԹ ԴԱՅՍԹԻ ՄԱՅՆԶ ԱՐՄ.ԼԻՄ» ընկերութիւնն է:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին