By Asbarez | Wednesday, 09 September 2009
ԵՐԵՒԱՆ, <Նոյեան Տապան>.- Հայաստանի ԱԺ անկախ պատգամաւոր Խաչատուր Սուքիասեանի Սեպտեմբեր 7ին տարածած յայտարարութեան համաձայն, պատգամաւորը ներկայացուցած է իր հրաժարականը՝ պատգամաւորական մանդատէն։
<<ՀՀ Ազգային ժողովի պատգամաւորների անսկզբունքային դիրքորոշման եւ անհասկանալի քուէարկութեան հետեւանքով, իմ եւ իմ ԱԺ պատգամաւոր գործընկերների հետ կատարուածը հիմք է տալիս ինձ գալու այն եզրայանգմանը, որ ես այս խորհրդարանում այլեւս անելիք չունեմ եւ ինձ չեմ պատկերացնում ՀՀ ԱԺ պատգամաւորի կարգավիճակում, հետեւաբար վայր եմ դնում իմ պատգամաւորական մանդատը: Վստահ եմ, որ իմ ընտրողները կ՛ողջունեն իմ այս քայլը>>, նշուած է յայտարարութեան մէջ։
Յիշեցնենք, որ Խ. Սուքիասեան կը մեղադրուի 2008ի մարտեան դէպքերուն մէջ իր ունեցած դերին համար։ Ազգային ժողովը 2008ի Մարտ 4ին բաւարարած էր Աժ 4 պատգամաւորներու՝ Խ. Սուքիասեանի, Միասնիկ Մալխասեանի, Սասուն Միքայէլեանի եւ Յակոբ Յակոբեանի՝ իբրեւ մեղադրեալներ ներգրաւելու եւ կալանաւորելու համաձայնութիւն տալու մասին Գլխաւոր դատախազի միջնորդութիւնը: 2009ի Սեպտեմբեր 2ին, երկար ժամանակ հետախուզման մէջ ըլլալէ ետք ան ինքնակամ ներկայացած էր իրաւապահներուն՝ կալանաւորուած, իսկ Սեպտեմբեր 4ին ազատ արձակուած էր՝ քաղաքէն չբացակայելու ստորագրութեամբ:
Ըստ ոչ պաշտօնական տուեալներու, հրաժարական ներկայացուցած է նաեւ Ժառանգութիւն կուսակցութեան հիմնադիր, կուսացութեան խորհրդարանական խմբակցութեան անդամ Րաֆֆի Յովհաննիսեանը:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
