By Asbarez | Monday, 21 April 2014
ԵՐԵՒԱՆ, «Արմէնփրէս».– «Թուիթըր» ընկերային ցանցի փոխնախագահ Րաֆֆի Գրիգորեան ընդունած է Լեռնային Ղարաբաղի Հանրապետութեան վարչապետ Արա Յարութիւնեանի հրաւէրը՝ Արցախ այցելելու։ «Թուիթըր»ի իր էջին վրայ այս մասին արձանագրութիւն զետեղած է Լեռնային Ղարաբաղի վարչապետի մամլոյ քարտուղար Արտակ Բեգլարեանը: «Հիասքանչ է: «Թուիթըր»ի փոխնախագահն ընդունել է Ղարաբաղի վարչապետի՝ Արցախ այցելելու հրաւէրը «ԹՈՒՄՕ» կատարելիք յաջորդ այցի ընթացքում», գրած է Բեգլարեան:
Աւելի կանուխ Լեռնային Ղարաբաղի վարչապետը Գրիգորեան պաշտօնապէս հրաւիրած էր Արցախ: Ի պատասխան այս հրաւէրին՝ Րաֆֆի Գրիգորեան «Թուիթըր»ի վրայ գրած էր, որ իրեն համար մեծ պատիւ է նման հրաւէր, սակայն կ՛ափսոսայ, որ արդէն լքած է երկիրը: Այդուհանդերձ ան յայտնած էր, որ կարելի է Լեռնային Ղարաբաղ այցելելու մանրամասնութիւնները քննարկել «ԹՈՒՄՕ» կատարելիք յաջորդ այցելութեան ընթացքին:
Րաֆֆի Գրիգորեանի՝ Լեռնային Ղարաբաղի Հանրապետութիւն այցելելու հրաւէրը ընդունելու տեղեկութիւնը արդէն տարածուած է ատրպէյճանական լրատուամիջոցներով, որոնք կ՛ահազանգեն, որ «Թուիթըր»ի փոխնախագահը պիտի այցելէ ատրպէյճանական «գրաւեալ» տարածքներ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ