By Asbarez | Thursday, 08 May 2014
ԵՐԵՒԱՆ, «Նիուզ».– Հայաստանի աշխատանքի եւ ընկերային հարցերու նախարար Ա. Ասատրեանը եւ Հայաստանի մէջ Քուէյթի դեսպան Պասսամ Մոհամմետ Քապանտին 7 Մայիսին ստորագրած են Հայաստանի աշխատանքի եւ ընկերային հարցերու նախարարութեան հովանիին տակ գործող «Երեւանի թիւ 1 տուն-ինտերնատ» (ծերանոց) պետական ոչ առեւտրական կազմակերպութեան մէջ կատարուող շինարարական աշխատանքներուն համար Քուէյթի կառավարութեան նուիրաբերութեան վերաբերող պայմանագիր:
Այս համաձայնագիրով կը նախատեսուի անկողնային խնամքի կարիք ունեցող բնակիչներուն համար նոր մասնաշէնք կառուցելու նպատակով հայկական կողմին տրամադրել 1 միլիոն տոլար:
«Շնորհակալութիւն եմ յայտնում Քուէյթի պետութեանը եւ անձամբ պարոն դեսպանին՝ մեր դիմումին արձագանքելու համար: Սա համագործակցութեան լաւ սկիզբ է, ինչը հնարաւորութիւն կը տայ խնամքի կարիք ունեցող եւ հաշմանդամ 60 անձի մատուցել միջազգային չափորոշիչներին համապատասխան ծառայութիւններ», ըսած է նախարարը:
Մոհամմետ Քապանտին եւս շնորհակալութիւն յայտնած է նախարարին՝ նշելով, որ քուէյթեան կողմը իր աջակցութիւնը միայն այս ծրագիրով պիտի չսահմանափակէ՝ դիտել տալով, որ նախարարներուն միջեւ կայանալիք յաջորդ հանդիպումին այլ ծրագիրներու մասին պիտի խօսուի։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
