By Asbarez | Friday, 16 May 2014
ԵՐԵՒԱՆ, «Արմէնփրէս».– Հայաստանի վարչապետ Յովիկ Աբրահամեանի մասնակցութեամբ Արագածոտնի մարզի Կոշ համայնքին մէջ բացումը կատարուած է հիմնովին նորոգուած մանկապարտէզին: Գերմանաբնակ Ռազմիկ Թադեւոսեանի բարերարութեամբ նորոգուած, կահաւորուած եւ բարեկարգուած մանկապարտէզը նախատեսուած է 92 երեխայի համար:
Յովիկ Աբրահամեան լրագրողներուն հետ ունեցած զրոյցին ընթացքին շնորհակալութիւն յայտնած է բարերարներուն եւ մանկապարտէզի նորոգման նախաձեռնողներուն՝ երեխաներուն համար լաւագոյն պայմաններ ստեղծելու համար: «Սա մեծ բարեգործութիւն է եւ ազգանպաստ աշխատանք: Նման մանկապարտէզներ մենք պէտք է ունենանք բոլոր համայնքներում: Մեր 915 համայնքներից կան այնպիսիք, որոնք չունեն նման կառոյցներ եւ կառավարութեան համար խնդիր է լինելու, որպէսզի կարողանանք համայնքներին աջակցել այդ գործում», նշած է վարչապետը:
Անոր համաձայն՝ մանկապարտէզները համայնքներուն հովանիին տակ կը գործեն, անոնց հարցն է զանոնք պահպանելը, բայց նկատի ունենալով, որ համայնքները նիւթական անհրաժեշտ միջոցները չունին, պետութիւնը պիտի փորձէ ամէն ձեւով աջակցիլ անոնց այս հարցերուն մէջ:
Մանկապարտէզի նորոգութեան համար բարերարը յատկացուցած է 160 միլիոն դրամ: Վարչապետը շրջած է մանկապարտէզին մէջ ու ծանօթացած ստեղծուած պայմաններուն:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ