By Asbarez | Wednesday, 21 May 2014
ԵՐԵՒԱՆ, «Երկիր».– 21 Մայիսին Ազգային ժողովը ձայներու 53 թեր, 66 դէմ եւ 3 ձեռնպահ յարաբերակցութեամբ մերժեց Ազգային ժողովի ՀՅԴ պատգամաւորներ Արմէն Ռուստամեանի, Աղուան Վարդանեանի, Արծուիկ Մինասեանի եւ Արմէն Բաբայեանի կողմէ ներկայացուած օրինագիծը՝ Հայաստանի ընտրական օրէնսգիրքին, Ազգային ժողովի կանոնակարգ օրէնքին եւ «Սահմանադրական դատարանի մասին» Հայաստանի օրէնքներուն մէջ փոփոխութիւններ կատարելու մասին, որով կ՛առաջարկուի անցում կատարել հարիւր տոկոսանոց համամասնական ընտրակարգին:
Ազգային ժողովի ՀՀԿ խմբակցութեան ղեկավար Վահրամ Բաղդասարեան վարման կարգով ելոյթ ունեցաւ՝ ըսելով, որ խնդիրը քննարկման կարիք ունի, եւ քանի որ յառաջիկային սահմանադրական փոփոխութիւններ պէտք է ըլլան, ուրեմն այս հանգրուանին Հանրապետական կուսակցութիւնը դէմ պիտի քուէարկէ այդ օրինագիծին, որպէսզի հետագային անիկա մանրամասնօրէն քննարկէ:
«Ժառանգութիւն» խմբակցութեան ղեկավար Ռուբէն Յակոբեանը նշեց, որ դեռ մէկ տարի առաջ «Ժառանգութիւն» խմբակցութիւնը ներկայացուցած էր նման նախագիծ, եւ բնականաբար, «Ժառանգութիւն»ը թեր պիտի քուէարկէ այդ նախագիծին։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ