By Asbarez | Monday, 12 September 2011
«Ազատութիւն» կայանը կը հաղորդէ, թէ Մոսկուա այցելող Թուրքիոյ նախագահ Ապտուլլահ Կիւլ հարցազրոյցի մը ընթացքին անգամ մը եւս յայտարարած է, թէ Արցախի տագնապին լուծումը կամ այդ գծով որեւէ յառաջխաղացք դրական ազդեցութիւն պիտի ունենայ հայ-թրքական յարաբերութիւնները բարելաւելու գործընթացին վրայ:
Ռուսական «Մոսկովսքի Քոմսոմոլեց» թերթին կողմէ Հինգշաբթի օր հրապարակուած հարցազրոյցին մէջ Կիւլ նշած է, որ Անգարա տարածաշրջանային կայունութիւնն ու զարգացումը, ինչպէս նաեւ հայ-թրքական յարաբերութիւնները ուղղակիօրէն կը կապէ Լեռնային Ղարաբաղի տագնապի կարգաւորման հետ:
«Ինչպէս գիտէք, ղարաբաղեան խնդիրը Հարաւային Կովկասի մէջ բարենպաստ կլիմայի հասնելու հիմնական խոչընդոտն է: Այս առումով, Թուրքիոյ եւ Ռուսիոյ դիրքորոշումները նոյնն են», ըսած է Թուրքիոյ նախագահը, պատրաստակամութիւն յայտնելով աջակցիլ խաղաղութեան գործընթացին, որուն անձամբ կը մասնակցի Ռուսիոյ նախագահ Տմիթրի Մետվետեւը:
«Մենք իսկապէս կ՛ուզենք, որ հայ-թրքական յարաբերութիւններու կարգաւորումը հասնի իր վերջնակէտին», յայտարարած է Կիւլ, միաժամանակ ըսելով, որ հայ-ատրպեճանական եւ հայ-թրքական յարաբերութիւններու կարգաւորումը կապուած են տարածաշրջանի ապահովութեան:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ