By Asbarez | Thursday, 19 June 2014
Վրաստան կատարած պաշտօնական այցելութեան ծիրին մէջ Հայաստանի նախագահ Սերժ Սարգսեան եւ Հայաստանի պետական պատուիրակութիւնը, 19 Յունիսին այցելեցին Թիֆլիսի Սուրբ Էջմիածին եկեղեցի: Անոնք դիմաւորուեցան Վիրահայոց թեմի առաջնորդ Վազգէն եպս. Միրզախանեանի, հոգեւոր դասուն, Վրաստանի մօտ Հայաստանի դեսպանութեան դիւանագէտներուն, վիրահայ համայնքի պաշտօնէութեան եւ հասարակութեան ներկայացուցիչներուն կողմէ:
Հայոց հինաւուրց եկեղեցւոյ մէջ մոմեր վառելէ ետք հայկական պաշտօնական պատուիրակութիւնը այցելեց Թեմի «Հայարտուն» կրթամշակութային եւ երիտասարդական կեդրոն: Բարի գալուստի ջերմ խօսքերով եւ Հայաստանի ու Վրաստանի պետական քայլերգներու կատարմամբ Հայաստանի նախագահը դիմաւորեցին Մովսէս Խորենացիի անուան նախակրթարանի սաները: Վիրահայոց թեմի առաջնորդը նախագահին ներկայացուց կեդրոնը, պատմեց այս մշակութային օճախի գործունէութեան մասին, որ նպատակաուղղուած է Վրաստանի մէջ մայրենի լեզուի պահպանման, ազգային մշակոյթի զարգացման, հայ-վրացական բարեկամական կապերու խորացման:
Նախագահը նաեւ դիտեց Գալուստ Կիւլպէնկեան սրահին մէջ կազմակերպուած «Ջաւախք աշխարհն իր եկեղեցիներով» խորագիրով երիտասարդ նկարիչներ Արման Թորոսեանի եւ Հրաչեայ Սաֆարեանի անհատական ցուցահանդէսին ներկայացուած գործերը:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ