By Asbarez | Monday, 07 July 2014
ԵՐԵՒԱՆ, «Փանորամա».– Հայաստանի պաշտպանութեան նախարար Սէյրան Օհանեան աշխատանքային այցելութիւն տուած է Հայաստանի հիւսիսարեւելեան հատուածին մէջ տեղակայուած զօրամասերուն ու մարտական յենակէտերուն: Այս մասին կը տեղեկացնէ պաշտպանութեան նախարարութեան մամլոյ ծառայութիւնը։
Նախարարը տեղւոյն վրայ ծանօթացած է յենակէտերուն մէջ սահմանապահներուն ծառայութեան պայմաններուն, հետեւած է զօրամասերուն մէջ ընթացող շինարարական աշխատանքներուն: Ան զրուցած է զինուորներուն հետ, ծանօթացած առկայ խնդիրներուն, խրախուսած է ծառայութեան ընթացքին ուշադրութիւն գրաւած եւ առաւել կարգապահ զինուորները:
Զօրամասերու մէջ նախարարը հրամանատարական կազմին տուած է համապատասխան ցուց-մունքներ, յանձնարարած է ամէնէն արագ միջոցին ուղղել արձանագրուած բացթողումները:
Շրջագայութեան ընթացքին պաշտպանութեան նախարարը բանակային զօրամիաւորման հրամանատարութեան հետ քննարկած է սահմանագիծի իրավիճակը:
Սէյրան Օհանեան հանդիպում ունեցած է նաեւ Տաւուշի մարզպետ Յովիկ Աբովեանի եւ մարզի սահմանամերձ քանի մը գիւղերու գիւղապետերու հետ, անոնց հետ քննարկած է սահմանամերձ շրջաններու բնակչութեան խնդիրները: Պաշտպանութեան նախարարը խոստացած է աջակցիլ այդ շրջաններու հարցերու լուծման:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ