Լոյս պիտի տեսնէ Համշէնահայերէնով առաջին ամսագիրը

By Asbarez | Monday, 14 July 2014

ԵՐԵՒԱՆ, «Ակունք».- Խումբ մը համշէնահայեր, Համշէնի լեզուն եւ մշակոյթը տարածելու եւ ապագայ սերունդներուն փոխանցելու նպատակով, կը պատրաստուին տպագրելու համշէնահայերէնով առաջին ամսագիրը Թուրքիոյ մէջ:

Պարբերականը պիտի կրէ «Գոր» (համշէնահայերէնով՝ կամաւոր աշխատանք) անունը: Խումբը սոյն ամսագիրի հրատարակման աջակցելու կոչ ըրած է բոլոր համշէնցիներուն՝ հանդէս գալով «Գիրի գոր ունիք, դուք ալ թեւ ձգեցէք» (համշէնահայերէն՝ «Գիրի մեր կամաւոր աշխատանքին դուք ալ մասնակցեցէք») կարգախօսով:

Ըստ թրքական «Տիճլէ» լրատուական գործակալութեան եւ «Էվրենսել» օրաթերթին՝ համշէնցի ուսումնասիրողներէ, գրողներէ, լրագրողներէ, երաժիշտներէ եւ ուսանողներէ բաղկացած վերոնշեալ խումբը կը փափաքի «Գոր» ամսագիրի առաջին թիւը հրատարակել Սեպտեմբերին: Ամսագիրի 90 տոկոսը բաղկացած պիտի ըլլայ Համշէնի եւ համշէնահայութեան պատմութեան ու մշակոյթին մասին նիւթերէ:

Այս նախաձեռնութիւնը աննախընթաց երեւոյթ է Թուրքիոյ մէջ, ուր անցնող տասնամեակներուն փոքրամասնութիւններու մշակութային ազատութիւններուն հանդէպ հետեւողական կաշկանդում գործադրուած է:

comments

More headlines

ARF AU Statement: In solidarity with Tavush

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ