By Asbarez | Wednesday, 30 July 2014
ԵՐԵՒԱՆ.- ՀՀ Նախագահ Սերժ Սարգսեան Յուլիս 30ին ընդունեց Քանատայի աշխատանքի, ընկերային զարգացման բազմամշակութային հարցերու նախարար եւ խորհրդարանի անդամ Ճէյսըն Քենիին:
Հանդիպման ընթացքին, նախագահ Սարգսեան յայտնած է, թէ քանատացի նախարարը իր անկեղծ եւ հետեւողական աշխատանքով իր ուրոյն նպաստը կը բերէ հայ-քանատական բարեկամութեան ամրապնդման գծով:
Երկու կողմերը բարձր գնահատած են նաեւ հայ-քանատական միջպետական յարաբերութիւններու ներկայ մակարդակը, որուն հիմքը, զրուցակիցներուն համոզումով, երկու ժողովուրդներու քրիստոնէական արժեհամակարգի ընդհանրութիւններն են:
Ճէյսըն Քենի նշած է, թէ այս այցելութիւնը երկկողմ յարաբերութիւնները ամրապնդելու, համագործակցութիւնը զարգացնելու եւ առեւտրատնտեսական կապերը խթանելու պատրաստակամութեան վկայութիւնն է:
Հանդիպման ժամանակ նախագահ Սերժ Սարգսեան երախտագիտութիւն յայտնած է Քանատայի իշխանութիւններուն՝ Հայոց Ցեղասպանութիւնը ճանչնալու, հայ ժողովուրդին համար սկզբունքային նշանակութիւն ունեցող այդ հարցին վերաբերեալ յստակ դիրքորոշում արտայայտելու համար: Այս ծիրին մէջ, նախագահ Սարգսեան ընդգծած է Ճէյսըն Քենիի անձնական մեծ ներդրումը եւս: Նախագահը շնորհակալութիւն յայտնած է նաեւ քանտահայ գաղութին նկատմամբ Քանատայի մէջ ցուցաբերուող ջերմ վերաբերմունքին համար:
Հանդիպման ընթացքին անդրադարձ եղած է տարածաշրջանային շարք մը խնդիրներու մասին:
Նշենք, որ նախարար Քենի հանդիպումներ ունեցաւ ՀՀ վարչապետին, արտաքին գործոց նախարարին եւ սփիւռքի նախարարին հետ, նաեւ այցելեց Ծիծեռնակաբերդ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ