By Asbarez | Tuesday, 19 August 2014
Չպէտք է սպասենք, թէ երբ են գերտերութիւնների շահերը համընկնելու մեր շահերի հետ, որպէսզի վերջիններս սանձեն Ադրբեջանի ներկայիս ագրեսիւ քաղաքականութիւնը: Մենք պէտք է մեր գլխի ճարը տեսնենք: Tert.am-ի հետ հարցազրոյցում նման տեսակէտ յայտնեց «Սիսական» ջոկատի հրամանատար, պահեստազօրի գնդապետ Աշոտ Մինասեանը:
ՀԱՐՑ.- Կարծիքներ են հնչում, որ Սոչիում նախագահների հանդիպումն իրականում ոչինչ չտուեց եւ ներկայիս խաղաղութիւնը ժամանակաւոր է: Դո՞ւք ինչ կ՛ասէք Սոչիի հանդիպման եւ ներկայիս «ժամանակաւոր խաղաղութեան» մասին:
ԱՇՈՏ ՄԻՆԱՍԵԱՆ.- Այո, Սոչիի հանդիպումը ոչինչ չի փոխել, Սերժ Սարգսեանը մնացել է իր կարծիքին, Ալիեւը՝ իր: Միանշանակ համաձայն եմ, որ ներկայիս խաղաղութիւնը ժամանակաւոր է: Դրանից հետեւում է, որ մենք չպէտք է ձեռքերներս ծալած նստենք ու սպասենք, թէ ադրբեջանցիները երբ են կրկին որոշելու սպանել մեր երեխաներին: Ոչ էլ պէտք է սպասենք, թէ երբ են գերտերութիւնների շահերը համընկնելու մեր շահերի հետ, որպէսզի վերջիններս սանձեն Ադրբեջանի ներկայիս ագրեսիւ քաղաքականութիւնը: Մենք պէտք է մեր գլխի ճարը տեսնենք: Խաղաղութիւնն ու անվտանգութիւնը չեն երաշխաւորում, խաղաղութիւնն ու անվտանգութիւնը պէտք է նուաճել:
ՀԱՐՑ.- Իսկ ինչպէ՞ս է հնարաւոր այդ խաղաղութիւնն ու անվտանգութիւնը նուաճել:
ԱՇՈՏ ՄԻՆԱՍԵԱՆ.- Ադրբեջանը ներկայումս ընդգծուած հակահայկական ռազմատենչ քաղաքականութիւն է վարում. Ադրբեջանի նախագահը հրապարակայնօրէն յայտարարում է, որ պատերազմի միայն առաջին փուլն է դեռ աւարտուել (այսպիսով իր բնակչութեանը հոգեբանօրէն պատերազմի պատրաստելով), նա անկայունութիւն է ստեղծում սահմաններում՝ ռազմական գործողութիւններ սադրելով, Ալիեւը յաւակնութիւններ է արտայայտում անգամ մեր մայրաքաղաք Երեւանի հանդէպ: Այսքանից յետոյ, երբ միջազգային հանրութիւնը, ելնելով իր շահերից, շոյում է Ադրբեջանի գլուխը, մենք պէտք է մեր ուժերով վերականգնենք հայկական բարձրաւանդակի բնականոն սահման հանդիսացող Քուռ-Արաքս սահմանագիծը:
Արցախեան պատերազմի ժամանակ հայկական զօրքերին արդէն յաջողուել է հայկական երկրորդ Հանրապետութիւնը սահմանակից դարձնել Իրանի հետ: Մեր քաջերի արեան գնով ազատագրուած եօթ շրջանները ներկայումս մեր անվտանգութեան միակ երաշխիքն են հանդիսանում: Սակայն մենք չպէտք է բաւարարուենք դրանով, այն դէպքում, երբ Ադրբեջանի սպառնալիքները ինչպէս խօսքով, այնպէս էլ իրական ռազմական գործողութիւններով հասել են իրենց զարգացման գագաթնակէտին: Ժամանակն է հասնել Քուռ-Արաքս սահմանագծին: Մենք պէտք է ապահովենք հայկական երկու պետութիւնների անվտանգութիւնը, օգտուելով այդ թւում՝ հայկական բարձրաւանդակի ընձեռած ռելիեֆային հնարաւորութիւններից:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ